影片
更多
2025-02-14
0 浏览
我其实好懒写食评，因为我唔想求其写几句，我唔系要呃like，亦都唔系要出名，我好单纯地只系希望自己嘅食评可以帮到其他人。今次写食评嘅最大原因系餐厅嘅服务，真系好到不得了，好到有啲受宠若惊😆不过当然要讲食物啦！情人节，唔想去咁远，所以book咗屋企附近嘅瀛火日式放题，好耐无食放题，成日经过都想去试下，但一放假又唔喺附近🙈讲下食物🥘我哋点咗好多野食，每样都试咗先，然后好食再返兜！首先讲吓上菜嘅速度，我觉得都算几快，不过有上错嘢嘅情况出现，无点嘅野上咗几次，本身其实系冇所谓嘅，不过如果我哋唔食嘅话就会有啲浪费🙈食物全部都系热辣辣嘅(当然除咗啲鱼生同埋头盘啦)，唔系放咗好耐𠮶啲，系似即叫即整咁热👍🏻挂住食都影唔晒啲食物，哩度只系得一半😆我同仔仔最钟意就系炸鸡翼，孜然鸡翼同埋芝麻鸡翼都一样好味👍🏻牛肉粒就有啲韧！蒜蓉蒸扇贝都好好味，呢个就等得比较耐啲，我见好多其他食客都有点呢一个😋另外寿喜烧都好好味，热辣辣👍🏻饮品就系自己出去拎，选择虽然唔多但系饮品嘅款式都系香港人喜欢嘅口味，例如可口可乐、道地乌龙茶、椰汁… 另外都有热饮可以叫，我哋叫咗杯雪梨茶！甜品方面就唔系任点嘅，雪糕系一人一杯，有五种口味
今次写食评嘅最大原因系餐厅嘅服务，真系好到不得了，好到有啲受宠若惊😆不过当然要讲食物啦！
情人节，唔想去咁远，所以book咗屋企附近嘅瀛火日式放题，好耐无食放题，成日经过都想去试下，但一放假又唔喺附近🙈
讲下食物🥘我哋点咗好多野食，每样都试咗先，然后好食再返兜！首先讲吓上菜嘅速度，我觉得都算几快，不过有上错嘢嘅情况出现，无点嘅野上咗几次，本身其实系冇所谓嘅，不过如果我哋唔食嘅话就会有啲浪费🙈食物全部都系热辣辣嘅(当然除咗啲鱼生同埋头盘啦)，唔系放咗好耐𠮶啲，系似即叫即整咁热👍🏻
挂住食都影唔晒啲食物，哩度只系得一半😆我同仔仔最钟意就系炸鸡翼，孜然鸡翼同埋芝麻鸡翼都一样好味👍🏻牛肉粒就有啲韧！蒜蓉蒸扇贝都好好味，呢个就等得比较耐啲，我见好多其他食客都有点呢一个😋另外寿喜烧都好好味，热辣辣👍🏻
饮品就系自己出去拎，选择虽然唔多但系饮品嘅款式都系香港人喜欢嘅口味，例如可口可乐、道地乌龙茶、椰汁… 另外都有热饮可以叫，我哋叫咗杯雪梨茶！
甜品方面就唔系任点嘅，雪糕系一人一杯，有五种口味可以拣。另外仲有其他甜品每人可以拣两样！真系饱到捧住个肚出门口😆
服务点解会令我觉得咁惊为天人？系因为入面有个戴眼镜嘅男仔(黑色头发，头发短啲𠮶个)佢超级无敌贴心，我搣完啲烧大虾之后想要湿纸巾抹手。本身我先生已经喺背囊拎紧比我，但系个男仔好似听到我讲嘢咁，突然之间搣开一张湿纸巾俾我，仲有搣多一张俾我先生👍🏻然后我饮完罐可乐，谂住起身𠮶一下，讲紧我pat pat只系离开咗张凳0.5 cm，然后佢又再次出现，仲要拎埋同一罐可乐出现喺我面前，问我系咪想要多罐呢😂当我答完佢：「系呀」，佢即场就帮我开埋，真系不得了👍🏻😂佢唔止对我哋一家三口咁好，我见隔篱枱𠮶个女士都赞紧佢！
食物质素未必系惊为天人，但系我觉得都唔错，喺香港仔嚟讲都算系咁㗎喇！起码叫做屋企附近都有间好啲嘅餐厅可以庆祝下开心下🌹我系绝对会因为佢哋嘅服务态度好而再去帮衬，毕竟，今时今日咁嘅服务质素已经买少见少！
张贴
