影片
更多
2020-05-15
190 浏览
睇完食评以为唔差，点知偏偏俾我哋遇上一连串不知所谓的经历，我发誓冇下次之余，亦希望有兴趣帮衬呢间餐厅嘅大家，参考完我经历后再谂清楚系咪要冒呢个险。早个多星期已订座同男友食晚饭庆祝生日，订咗18：30，当天接到店员致电，想我哋提早半个钟，即18：00到达，虽有啲赶，但我哋愿意配合。到达后，员工放低餐牌叫我哋睇，我奇怪，我透过系统订咗$1416嘅二人12道菜tasting menu，点解仲要睇餐牌？𠮶阵个场得几枱，我附近𠮶枱有一家4口，有位男员工好落力咁serve佢哋，期间我哋冇人理，冇讲解，冇同我哋有eye contact，第一次来，唔知点好，等咗一轮唔知咩事，送咗杯海藻球七喜嚟，咁系咪佢哋知我订咗餐唔洗再confirm？咁大家就饮啦！𠮶枱一家4口仲同紧男员工打牙骹，未落order。饮完同食完海藻球七喜，等咗45分钟都未有下一道菜，但一家4口已食紧第三道菜，期间忍唔住问系咪漏单，问咗两次，终于送来温泉蛋沙律，一边食我一边谂，点解要我哋提早半个钟到？赶头赶命嚟到竟然都系要等？点解？食完，继续等，等到天荒地老，见到一家4口𠮶枱嘅食物系一道接一道，点解我哋要等咁耐？员工、经理又会向佢哋介绍菜式
早个多星期已订座同男友食晚饭庆祝生日，订咗18：30，当天接到店员致电，想我哋提早半个钟，即18：00到达，虽有啲赶，但我哋愿意配合。到达后，员工放低餐牌叫我哋睇，我奇怪，我透过系统订咗$1416嘅二人12道菜tasting menu，点解仲要睇餐牌？𠮶阵个场得几枱，我附近𠮶枱有一家4口，有位男员工好落力咁serve佢哋，期间我哋冇人理，冇讲解，冇同我哋有eye contact，第一次来，唔知点好，等咗一轮唔知咩事，送咗杯海藻球七喜嚟，咁系咪佢哋知我订咗餐唔洗再confirm？咁大家就饮啦！𠮶枱一家4口仲同紧男员工打牙骹，未落order。
饮完同食完海藻球七喜，等咗45分钟都未有下一道菜，但一家4口已食紧第三道菜，期间忍唔住问系咪漏单，问咗两次，终于送来温泉蛋沙律，一边食我一边谂，点解要我哋提早半个钟到？赶头赶命嚟到竟然都系要等？点解？
食完，继续等，等到天荒地老，见到一家4口𠮶枱嘅食物系一道接一道，点解我哋要等咁耐？员工、经理又会向佢哋介绍菜式，倾计、social，唔通佢哋系VIP？虽然我哋唔系话好希罕食饭时俾人招呼到咁，但感觉好厚此薄彼，俾人冷待咁，我哋衰咗啲乜？🙄
隔离枱两位客人迟我哋成个钟入座，但都冇我哋等得咁惨，仲要系一道未食完下一道已上，我哋又唔系食咩特别菜式需时处理🤦🏻♀️一边等食一边饿，未食过一餐饭系愈食愈饿嘅！
虽然冇人entertain我哋，但头几道菜都叫有人话我哋知系乜，食咗第4、5道之后，已经冇人同我哋讲嘢，送上枱就走，佢哋菜式咁新派，就算摆落口都未必知道自己食紧乜，我唯有开住openrice，睇返之前啲食评，对照下我食紧嘅系乜东东，呢种经历都几难忘，我知我享用紧买一送一优惠，原来要受到咁嘅对待😒
订枱时系统有特别要求一栏，可以注明庆祝咩特别日子或纪念日之类，好user-friendly，咁我紧系注明庆祝生日啦！以为佢哋会有小小安排（广告话生日帮衬送甜品一客，唔系贪心，餐厅冇安排嘅咪我安排啰！有安排我咪靠餐厅啰！），但咁唔寻常嘅服务我已打定输数，佢哋亦冇令我失望，真系乜都冇预备到㗎！咁个系统设定要嚟做乜？🤦🏻♀️
听到员工同其他客人介绍12道菜大概食个半小时（我都系听到人哋讲咋，冇人同我哋讲解㗎！阴功！），我哋食一样嘅12道菜，食咗3个钟，每道一、两啖食完，食完好似冇食，唔紧要，最紧要系消磨我生命（唔系我夸张，时间就系生命！），我唔认为呢间嘢算系Omakase，我只会称作新派菜式，咁嘅服务态度我不敢恭维，如果人人都系要等上菜等咁耐，我应该冇嘢好讲，最多觉得自己唔啱食，试过就算，冇下次，但我见附近客人，就算迟我哋嚟嘅都上菜快过我哋，咁系咪唔寻常呢？最后我都忍唔住向经理了解下，并表达被要求早到30分钟但等食等45分钟嘅不满，其次就系佢哋上菜同事冇乜介绍，我唔知自己食紧乜。经理除咗讲唔好意思，就系话员工好新，自己本来做consultant刚接手呢间餐厅，之前个老板有重病云云......听完我好遗憾，当中嘅遗憾亦包括佢作为consultant嘅专业竟然发挥唔到，要顾客接受餐厅嘅失误，令到顾客有遗憾。
用平价食材做12道菜，我唔评论，但理解创意系无价嘅，但感觉系佢哋食紧老本，sell 嘅系玩嘢idea，男友最唔欣赏系佢哋摆盘会将啲唔食得嘅嘢同食物放埋一齐，例如花盆、骰仔、金属雀仔等，食之前要小心研究边样食得边样唔食得，或者有人会觉得好得意，但我哋唔识欣赏。最惊喜当然系服务态度啦！可能系我哋唔好彩啦！但气场都好紧要，如果你哋表现到食得好开心好surprise，员工、经理会好乐意过嚟同你倾计social，好似我哋呢种冇乜交戏嘅（等食等到天荒地老，仲要扮开心？），上菜时摆低就闪人啦，理得你丫！
希望佢唔系消费紧黄色嘅名目，如果只系打正黄色旗号而不思进取，会连累埋成个圏而影响客人嘅信心。
补充一下，因为食食下冇心机，有啲菜式我冇影相所以冇得post，最终我有同经理讲我用餐目的系为男友庆祝生日，佢惊讶状，然后话补返个甜品俾我哋，我哋话唔洗啦！只系想快啲食完快啲走，走去食下一餐医肚，但佢坚持送只红鸡蛋扮嘅大菜糕嚟，𠮶阵连最后一道菜都未上，我哋已埋单打算唔食走人。我好奇问佢，个系统可以让客人注明用餐目的，但客人订座时注明咗目的但你哋又冇安排，咁个系统有咩用途？作为前consultant嘅经理笑笑口咁话：“咁我依家咪安排俾你啰！” 嗯！算了！唔纠缠，都系𠮶句，未食饱，速闪食下一餐。埋单$1300有找，唔系$1416咩？唔通俾咗折？错了！之后先知虽然订咗tasting menu，但原来佢哋一直俾错咗$590一位嘅餐我哋食，我哋梗系唔知啦！事前冇招呼、冇讲解、冇confirm，我哋乜都唔知但佢哋照出餐，悭返百几蚊唔系坏事，但真系离谱！成世人未试过！！！
再再补充，第二日，openrice系统send电邮嚟，话我缺席咗呢餐饭🤦🏻♀️咁即系餐厅冇confirm我有出席啦！不知所谓！
报告真正完毕了！
0 浏览
0 赞好
0 留言
1 浏览
0 赞好
0 留言
张贴
