譽居

营业中

休息中

第一个上既点心系葱花虾米炸两肠，肠粉皮似食紧一pat粉，0口感，虾米完全冇味。炸两乎合预期，唔脆。重要既花生酱同甜酱，比得一细碟，系讲紧两只酱夹埋30ml都冇…重加咗水，连花生酱都无味…之后上炸云吞，唔脆，细粒，外皮有油溢味，食落只虾有好重碱水味，极怪。打算点个甜酸酱睇吓有冇得救，sorry，重差。酱加咗水，好淡同稀。再黎系虾饺，张点心纸痴住咗粒虾饺，个传菜只系撕走咗半张唔黐住粒虾饺既点心纸…服务态度差到呢。唔洗讲，个四粒虾饺既味道完全唔符合佢嘅价钱。上海小笼包，冇比到只碟放喼汁，唔紧要，我叫阿姐拎。佢比错第二个客，个客用只手掂完只碟，我同阿姐讲佢摆错咗，叫佢比只新嘅我。佢入一入厨房，出嚟同我讲，用咗滚水洗左，但我系叫佢比只新嘅我…唔洗谂喼汁加咗水，完全冇味。咸水角，外皮绿色，好似几有新意，但sorry，我食唔出有啲咩，唔系讲紧个外皮，系成粒野无味。凤爪普通，酱汁唔浓味。总结服务态度差，嘢食淡而无味甚至怪味，为咗悭钱酱汁加晒水，我就一定唔会再黎，价钱食左$242，6个点心，难食！希望大家唔好同我一样中伏。