碌冧法式越南料理 (已結業)

$98任点任食，点菜纸上写住时间系5:00-11:00，选择已经唔系多(食物唔够30款)，但因为已经9点半，附近呢个钟数都无咩野食，所以就入左去。点左芒果沙冰同橙汁冰，点知黎到系芒果水加冰，另一杯就用橙粉开o既，总之唔好饮。野食就无咩特别，但最差系无人同我地讲过几时Last call，10点4、5左右叫我地埋单先，之后10点半我再order，个侍应先话截左单，我地咪即刻话无人讲过几时Last call，跟住个经理行埋黎，用D唔好o既态度黎解释，又话会教吓D伙记，其实应该系要教吓佢就真，我地入去个时系个经理招呼我地，但当时佢完全无讲过几点截单，而到另外一个黎埋单亦无讲过，如果一间服务态度好o既餐厅，系应该提醒客人几时截单，而唔系到人地落单时先讲。