影片
更多
2024-08-08
3582 浏览
-预约咗8/8晏昼，同行三位叫咗$600 「树」set。到咗餐厅坐低冇耐，讲紧5分钟都冇就上咗前菜。谂住可以唞吓倾吓偈先开始食嘢，点知侍应一嚟就讲「快啲开始食啦 唔食完前菜唔会上寿喜烧」 听到呢句都其实好shock 估唔到去间餐厅会俾人催食嘢。-然之后到开始上寿喜烧，个侍应姐姐又讲咗一句「饭可以任添嘅，但系唔好食咁饱，最后仲有个蛋饭」直到中间，同佢哋讲唔需要再添饭，点知连个饭碗都俾人哋收埋，讲紧𠮶阵仲有几旧寿喜烧未食，唔知以为佢哋赶收工。-同行人有一位唔食洋葱，咁因为啱啱到餐厅𠮶阵赶唔切回覆阿侍应姐姐，最后都系上咗个洋葱嘅。咁同行人冇食过，就咁俾返个厨师。结果得到侍应呢一个回覆「下次唔食洋葱早啲讲 原本可以俾另一个𩠌你」 听落𠮶下真系觉得好似俾人闹紧咁。再者，我哋以为餐厅会明白我哋将𠮶个碗摆返上近厨师𠮶个位，代表我哋唔要𠮶个碗。厨师竟然喺煮下一个寿喜烧嘅时候，将𠮶嚿牛肉摆喺个洋葱上面。我哋同阿师傅讲，可唔可以换另一个碗我哋个洋葱唔要啦。得到佢嘅回覆系「唔要嘅唔系摆喺度，摆返喺你枱面。」然后将𠮶只有洋葱嘅碗一下抌落枱面。同行人见到都非常震惊。-除咗以上之外，我都好震惊一间咁嘅餐厅，侍应会
预约咗8/8晏昼，同行三位叫咗$600 「树」set。
到咗餐厅坐低冇耐，讲紧5分钟都冇就上咗前菜。
谂住可以唞吓倾吓偈先开始食嘢，点知侍应一嚟就讲
「快啲开始食啦 唔食完前菜唔会上寿喜烧」
听到呢句都其实好shock 估唔到去间餐厅会俾人催食嘢。
-
然之后到开始上寿喜烧，个侍应姐姐又讲咗一句
「饭可以任添嘅，但系唔好食咁饱，最后仲有个蛋饭」
直到中间，同佢哋讲唔需要再添饭，点知连个饭碗都俾人哋收埋，讲紧𠮶阵仲有几旧寿喜烧未食，唔知以为佢哋赶收工。
-
同行人有一位唔食洋葱，咁因为啱啱到餐厅𠮶阵赶唔切回覆阿侍应姐姐，最后都系上咗个洋葱嘅。咁同行人冇食过，就咁俾返个厨师。
结果得到侍应呢一个回覆
「下次唔食洋葱早啲讲 原本可以俾另一个𩠌你」
听落𠮶下真系觉得好似俾人闹紧咁。再者，我哋以为餐厅会明白我哋将𠮶个碗摆返上近厨师𠮶个位，代表我哋唔要𠮶个碗。厨师竟然喺煮下一个寿喜烧嘅时候，将𠮶嚿牛肉摆喺个洋葱上面。我哋同阿师傅讲，可唔可以换另一个碗我哋个洋葱唔要啦。
得到佢嘅回覆系
「唔要嘅唔系摆喺度，摆返喺你枱面。」
然后将𠮶只有洋葱嘅碗一下抌落枱面。同行人见到都非常震惊。
-
除咗以上之外，我都好震惊一间咁嘅餐厅，侍应会喺冇咨询食客仲需唔需要𠮶个碗或杯嘅情况底下，直接伸只手埋嚟拎走佢。仲要多次碰撞到同行人。
-
没有介绍煮法
没有介绍食法
没有更换食具
食物质素原本系唔错，但系有呢啲咁嘅服务，真系无谓俾𠮶少少钱买难受。实在系一次失望嘅午膳经验。
-
张贴