允升甜品

营业中

休息中

我地无留意到门口张告示写住最低消费唔包糯米糍系我地唔啱，但有个女店员好无礼貌，寸我地唔识字。你好声好气同我地讲有最低消费，我地都会即刻起身走，毕竟我地无睇到门口告示系我地唔啱，但都唔洗寸我地唔识字。 同埋，我地俾店员闹完，已经执紧嘢，准备起身去出面食，点知𠮶店员都系咁催我地走，但其实我地执左1分钟都无。唔怪得公众假期都无人帮衬，店铺有成15-20个位左右，但得两个人坐入面。糯米糍唔算好食，粉比较多，同埋糯米皮唔够烟韧。芒果肉唔够甜。 长洲有好多地方卖糯米糍，真系唔驶系依间食，我地见其他卖糯米糍嘅地方都排晒长龙，得依间无咩人帮衬，大家就知咩事。 真心建议大家谂清楚好唔好帮衬依间甜品店。