点心代表 (已結業)

不嬲系小新fans，见到岩岩有小新做主题既餐厅紧系即刻订位。以为好多人，其实好多吉台。第一味嚟左杯「小新桃味特饮」，杯饮品卖点系个pat pat浮面，可以连埋小新个牌一齐影相，但嚟到杯野无咗1/5，个pat pat 沉咗系底，搞左好耐先撩返上嚟，而且入边唔够水，pat pat 根本浮唔到系面，影唔到相。跟住嚟𠮶碟肠粉又有问题，小生个样烂晒，同侍应讲想换过碟就发脾气叫我由佢，专登嚟呢度食就系想影小新，最后讲咗一轮先肯同我换，但态度完全零分。而且仲有乌蝇飞嚟飞去，拨左几次已经无胃口食其实嘢食嘅味道系ok嘅，可惜态度差，又有乌蝇，完全影响食欲。