ナカヨ食堂

营业中

休息中

对呢间店印象唔差，记得之前一直有个中年男人（唔知系咪店长之类）效率高，其他店员都好专业。今日快到下昼6点鱼生饭，首先企喺度都冇人理咁，后来个收银竟问我堂食定外卖，都快6点啦，櫈都收埋晒，点堂食呀？5点后外卖有折，佢又完全唔记得，差啲收原价，然后有个似乎年纪大啲嘅提醒佢有折，佢先恍然大悟，感觉对工作唔上心。最嬲嘅系，明明得我一个order,要等嘅时间仲耐过平时好多客𠮶阵，喺aeon兜个圈买埋嘢都未有（个通知器未震未响），走返去睇下，两男一女嘅店员大声嬉笑，讲普通话嘅，唔觉有边个喺度做紧嘢，我以为间铺有啲位置我睇唔到，可能有人整紧个饭，就继续等，先见其中一个女嘅好似雕花咁慢慢喺度将啲黑松露点落啲刺身上，其实点咗几多下呀，根本唔系做嘢咁，好似倾偈先系正职，我真系好怀念以前啲员工呀，感觉全部都系做紧嘢，唔系嚟hea！难怪当时都冇人帮衬啦，佢哋缩晒喺入面，唔招徕啲客人，冇客仲好，佢哋继续嘻嘻哈哈，希望啲管理层注意下员工嘅培训同监察呀！