影片
更多
2024-12-11
152 浏览
今日因为想补返生日饭，专登上youtube 揾d 靓d 好食d 既餐厅食晚饭。揾到依间见佢卖相好似唔错，环境都有设计（日式风格），所以就好快用openrice 订左枱。 本身入席时都无咩野，但唔好彩主要serve我地个短发眼镜女服务员态度同语气都好奇怪，一黎唔讲清楚menu 上d野点叫，下下要我地问先讲，我心谂我地第一次黎，有野唔明问声都好正常啫，但佢就会用个好似好温柔，但句句都有骨既tone 应我地，问佢多一两样野又黑面又藐嘴，之后又扮返有礼貌咁讲野，心谂佢系咪返工返到好大压力，要攞d 客黎发泄。但都算啦，大家食个饭都系想开心，就唔理佢咁多，但系食野途中，我地倾紧计既时候，佢又会无啦啦插只手黎收碟，或打断我地倾计，好似好赶咁，成个倾计咁样被中断几次，咩气氛都无晒，后尾只系想快食完就埋单走，觉得好扫兴，讲真俾多少少出街食都系想开心，但食完既感觉系俾钱买难受，仲有少少后悔无当面出声反映下，虽然d 蟹脚几好食，但依个服务员令我地成餐饭好唔自在同舒服，好似无时无刻都企系隔离迫我地食快d咁，再加上出菜速度又一般，整体黎讲，系唔会再去食，都打comment 系度俾其他想试既人睇睇先做个参考
今日因为想补返生日饭，专登上youtube 揾d 靓d 好食d 既餐厅食晚饭。揾到依间见佢卖相好似唔错，环境都有设计（日式风格），所以就好快用openrice 订左枱。
本身入席时都无咩野，但唔好彩主要serve我地个短发眼镜女服务员态度同语气都好奇怪，一黎唔讲清楚menu 上d野点叫，下下要我地问先讲，我心谂我地第一次黎，有野唔明问声都好正常啫，但佢就会用个好似好温柔，但句句都有骨既tone 应我地，问佢多一两样野又黑面又藐嘴，之后又扮返有礼貌咁讲野，心谂佢系咪返工返到好大压力，要攞d 客黎发泄。但都算啦，大家食个饭都系想开心，就唔理佢咁多，但系食野途中，我地倾紧计既时候，佢又会无啦啦插只手黎收碟，或打断我地倾计，好似好赶咁，成个倾计咁样被中断几次，咩气氛都无晒，后尾只系想快食完就埋单走，觉得好扫兴，讲真俾多少少出街食都系想开心，但食完既感觉系俾钱买难受，仲有少少后悔无当面出声反映下，虽然d 蟹脚几好食，但依个服务员令我地成餐饭好唔自在同舒服，好似无时无刻都企系隔离迫我地食快d咁，再加上出菜速度又一般，整体黎讲，系唔会再去食，都打comment 系度俾其他想试既人睇睇先做个参考。
其实其他服务员同老板都无咩野，只系如果大家唔好彩俾个果「温柔」女服务员serve 中，真系自求多福了，共勉之。
张贴