影片
更多
2024-05-10
1956 浏览
因为屋企人要移民，特登去三圣邨食海鲜我哋帮衬嘅日子系星期四，其实唔算多人，咁佢叫我哋坐咗喺入边包厢，唔知点解又冇开灯，冷气又开到劲冻，成个气氛好似搞丧事咁。后尾要我哋同服务员反映，佢先至开返着灯俾我哋。屋企人好钟意食红豆沙，所以一开始都有叫服务员留定碗红豆沙俾我哋，但服务员就话每晚只系煲好少红豆沙，我哋咁迟先入座一定冇得送俾我哋。咁我哋仲讲笑话，我哋可以埋咗单俾咗钱先㖞，咁系咪就有得送啊？ 好啦！我哋一枱八个人，带咗一支酒嚟饮，叫佢攞酒杯嚟，佢拎过嚟嘅酒杯系烂嘅。我哋都冇影低相，谂住算啦，但其实都嬲嬲地㗎啦，因为我哋张枱有老有嫩，个玻璃杯可以鎅亲我哋。之后埋单嘅时候，我哋问有冇红豆沙，佢当然冇啦。但系我哋去厕所嘅时候，见到其他枱有红豆沙送。最嬲嘅系，坐我哋隔篱𠮶枱都有得送，仲要系每人送两碗。我哋八个人，都食咗接近$3000 ，点解会咁样差别对待？ 我哋唔系话一定要佢送红豆沙，佢碗红豆沙可以收钱，我哋都会买。最嬲嘅系，由入座开始佢就一直都话红豆沙煲好少，一早已经冇晒。但谁知枱枱都有，只系我哋冇，我哋之后有向个部长投诉，佢仲喺度驳嘴，话唔关佢事唔系佢跟我哋𠮶枱。我屋企人已经移民走，最后一餐
我哋帮衬嘅日子系星期四，其实唔算多人，咁佢叫我哋坐咗喺入边包厢，唔知点解又冇开灯，冷气又开到劲冻，成个气氛好似搞丧事咁。后尾要我哋同服务员反映，佢先至开返着灯俾我哋。
屋企人好钟意食红豆沙，所以一开始都有叫服务员留定碗红豆沙俾我哋，但服务员就话每晚只系煲好少红豆沙，我哋咁迟先入座一定冇得送俾我哋。咁我哋仲讲笑话，我哋可以埋咗单俾咗钱先㖞，咁系咪就有得送啊？
好啦！我哋一枱八个人，带咗一支酒嚟饮，叫佢攞酒杯嚟，佢拎过嚟嘅酒杯系烂嘅。我哋都冇影低相，谂住算啦，但其实都嬲嬲地㗎啦，因为我哋张枱有老有嫩，个玻璃杯可以鎅亲我哋。
之后埋单嘅时候，我哋问有冇红豆沙，佢当然冇啦。但系我哋去厕所嘅时候，见到其他枱有红豆沙送。最嬲嘅系，坐我哋隔篱𠮶枱都有得送，仲要系每人送两碗。
我哋八个人，都食咗接近$3000 ，点解会咁样差别对待？ 我哋唔系话一定要佢送红豆沙，佢碗红豆沙可以收钱，我哋都会买。
最嬲嘅系，由入座开始佢就一直都话红豆沙煲好少，一早已经冇晒。但谁知枱枱都有，只系我哋冇，我哋之后有向个部长投诉，佢仲喺度驳嘴，话唔关佢事唔系佢跟我哋𠮶枱。
我屋企人已经移民走，最后一餐响香港选择咗容龙，我哋一早已经订定咗枱，结果搞成咁样！食到成肚气！
奉劝各位如果有啲乜嘢好重要嘅饭局，千祈唔好选择喺容龙度做！
张贴