牛摩+ (上水廣場) (已結業)

午市90分钟两位，选好餐到选汤底，太太想睇餐牌有乜汤底选，我让开比太太睇，但个门口侍应竟然莫明奇妙咁话“你左边睇同右边睇都系一样呢D汤底”，我当时已感觉个侍应态度唔系咁好，而后面又无人排队，又无阻住人，唯有心谂当个侍应系细路，唔同佢计。个侍应安排我们坐死角位，因之前坐过死角位风吹正头好唔舒服，同侍应讲唔想想坐死角位，因为风口吹正头，想坐其它位(全埸有好多吉位)，个侍应话其它系6人枱，只可以安排厨房门口𠮶张枱(全场只有几枱客)，但我见有两人或三人都系咁坐响度食紧，我同侍应讲其他人(两人或三人)都系咁坐，点解唔可以坐𠮶D卡位，但个侍底当听唔到，只系不停重覆问坐唔坐厨房门口位，态度十分差。老实讲，我们只系食餐饭，唔系嚟嗌交，都系𠮶句，当个侍应系细路所以忍多佢一次，唔想影响我地两公婆食午饭嘅心情。但希望呢间餐厅嘅管理层留意吓员工的服务态度。呢位侍应可能系万中无一，但下次唔会再帮衬。