海底撈火鍋 (金巴利道)

营业中

休息中

聞名火鍋界的海底撈終於黎香港開店！火邊爐粉趨之若騖朝聖之時，今日我都一試究竟。門口迎賓既服務員好熱情又充滿活力，笑容可掬。從帶路到坐低，一直有店員緊接，沿路仲會介紹店舖設施，真係好細心。見到材料吧，教客人如何調配唔同風味嘅醬料！最啱“混醬”人士，不過係另加錢，今次想先試基本功所以冇加到。中途見到有個送野食機械人，好得意。打邊爐嘅湯底都重要，呢到可以俾人揀四宮格，即係四款湯底，滿足到我呢啲一次想試幾款湯既貪心鬼~ 不過驚食唔哂，今次只係揀咗骨湯同蕃茄湯，落單時仲可以揀濃度！未落料前先飲一啖湯，骨湯鮮味！蕃茄微酸又略甜，估唔到係湯底落足心機！食材都新鮮，最鐘意佢蘿蔔切薄片，方便容易食，羊肉好正。海底撈整體俾我覺得服務得好細緻，平民價錢但貴賓式招待，每一點做得俾人多小小，都明白點解口碑咁好。