影片
更多
2021-03-03
812 浏览
成年无飞过，已经就嚟忘记咗搭飞机既感觉，更加唔记得咗返家乡日本吃喝玩乐既旅程。见呢排得闲啲，又唔想净系食放题同寿司咁普通，于是揾左间熊本餐厅relax下，咁啱呢排做紧熊本县应援 Fair@香港，我见好多都系直送过嚟嘅新鲜食材！有熊本巨型鸡「天草大王」，同埋无时无刻都好想食嘅生蚝，愈谂就愈挂住两年前熊本之旅～好好彩安排坐靠窗位，建议Book枱果阵最好讲明想坐窗边位，系iSquare 28楼望出去就系尖沙咀维港景，但食紧嘅系高质日本食物，感觉好奇妙。座位其实私隐度都几好高，因为每枱客人都有个布帘隔开，可以叫杯酒尽情倾计放松下处女生蚝盛合首先送到嚟嘅系「处女生蚝盛合」（$258/4只），一个盛合有四只肥美饱满、嚟自天草海域新鲜处女生蚝，加埋放系上面嘅一小片柠檬，望到口水即刻涌晒出嚟。蚝身颜色望落去好似比较淡口，但放入口个下就觉得恰到好处，海水味咸度刚刚好，带出蚝嘅鲜甜但完全无一丝重金属嘅味，而且完全唔腥，可能因为日本直送嘅关系，鲜甜到好似系个海度即系捉上嚟就开嚟食咁！（好味到我地食完晒全部野再encore多次😋）橹杏特制海鲜太卷上网睇到食评果阵，对「特制海鲜太卷」（$188/4贯）充满期待，
好好彩安排坐靠窗位，建议Book枱果阵最好讲明想坐窗边位，系iSquare 28楼望出去就系尖沙咀维港景，但食紧嘅系高质日本食物，感觉好奇妙。座位其实私隐度都几好高，因为每枱客人都有个布帘隔开，可以叫杯酒尽情倾计放松下
处女生蚝盛合
首先送到嚟嘅系「处女生蚝盛合」（$258/4只），一个盛合有四只肥美饱满、嚟自天草海域新鲜处女生蚝，加埋放系上面嘅一小片柠檬，望到口水即刻涌晒出嚟。蚝身颜色望落去好似比较淡口，但放入口个下就觉得恰到好处，海水味咸度刚刚好，带出蚝嘅鲜甜但完全无一丝重金属嘅味，而且完全唔腥，可能因为日本直送嘅关系，鲜甜到好似系个海度即系捉上嚟就开嚟食咁！（好味到我地食完晒全部野再encore多次😋）
橹杏特制海鲜太卷
上网睇到食评果阵，对「特制海鲜太卷」（$188/4贯）充满期待，为咗食呢个太卷惊太饱，就连最钟意嘅八贯寿司都放弃咗，留返个胃嚟试呢个海鲜太卷。一上枱已经觉得好吸引，饭卷上面舖满饱满鱼子同埋海胆，入面系唔同既刺身粒，女仔一口一件会食得好辛苦，但分开食又无咁滋味，所以最好都系同好朋友一齐去，大家可以无仪态咁一口食晒，唔同既海鲜鲜味好夹咁系口腔内涌出黎，一路食一路哇哇声，真系好鲜甜呀大佬！
天草直送新鲜刺身盛合
为咗留返个肚食海鲜太卷，今次无叫到其他寿司，净系叫咗个二人合刺身盛合（$348），有带子、油甘鱼、金目鲷同埋吞拿鱼各样两件。平时食带子好多都系好Creamy，但因为系产地直送，呢度系食到带子啲肉一梳梳咁好夸张，口感系结实有咬口，食得出好新鲜感觉。至于金目鲷系日本人心目中最高层次嘅鱼种之一，鱼肉结实、肥美爽甜，钟意食啲有咬口刺身嘅朋友一定唔可以错过～
阿苏名店”花菱”名物 究极吉列熊本黑毛和牛本身我地对吉列嘅野无乜兴趣，不过见系推介嘅菜式就谂住试吓，点知呢个「 阿苏名店”花菱”名物 究极吉列熊本黑毛和牛」（$548）成为咗今次午餐嘅最大惊喜！！熊本县产嘅黑毛和牛相当矜贵，肉质结实、牛味香浓且肉身多汁，用吉列嘅整法令口感外脆内软，入面嘅肉汁渗返落层脆皮度，口感丰富而味道香酥。呢个吉列牛令我地都对吉列嘅野食改晒观～🤣
炭烧「天草大王」鸡肉
最后登场嘅系炭烧「天草大王」鸡肉（$198）～呢只号称「日本最大地鸡」嘅鸡认真巴闭，曾经系1930绝咗种，后来系又俾专家复育成功。将鸡肉放入明火烧热嘅铁锅，鸡油即刻发出滋滋声，稍稍煎煮后就可以加埋青柠落特制酱油点嚟食，鸡味好浓好香，软嫩多汁、非常鲜味！！
我地2个人叫咗3杯烧酎（每杯$58）试下，分别系口感淡丽嘅はなてばこ (Hanatebako), 极楽 しず玲 (Gokuraku Sizure) 同埋比较浓厚嘅 极楽 しず驯 (Gokuraku Sizuna)，2杯淡丽清清地，用嚟送日本野食啱啱好，最后叫咗杯浓厚嘅伴鸡肉同埋吉列黑毛和牛，浓郁得嚟唔辣口，同埋够晒余韵，如果钟意饮酒嘅朋友，建议淡丽同浓厚各试一杯。
张贴
