St Betty (已結業)

5月5日, 今个月系我地2人世界嘅最后一个纪念月喇~ 当然都要浪漫庆祝一番啦, 所以我地拣咗嚟IFC嘅ST BETTY叹番个下午茶~::: Afternoon Tea Set For 2 ::: $398呢个Tea Set都有几多野食, 由下而上分别有三文治、松饼同甜点, 有咸有甜, 作为嗜咸嘅我, 同嗜甜嘅呀菲都十分适合~ 成个点心架咁上枱, 都几靓, 摆切都好有心思~ 比例上其实偏小, 样样野都系细细件细细件咁.一层一层, 底层系三文治, 中间就系松饼, 顶层就系甜点~ 三文治有四款, 分别有火箭菜沙律、蕃茄sasa、烤牛肉同埋三文鱼, 每一款都好有特色~ 火箭菜同蕃茄sasa呢2款以素菜为主嘅就好清新, 而三文鱼有油香得嚟又唔会好腻~ 最好食嘅系烤牛肉, 肉地唔会韧味道亦唔错~ 另外仲有d面包仔, 食落甜甜地咁都好香~松饼有4件, 亦都有附上2种jam同clotted cream, 本身个松饼味道都唔错, 而搽jam食就多咗一份果味, 个jam本身都几好味, 提子味够浓橙味带少少酸, 可以中和番松饼本身滞腻感. 反而搽clotted cream就虽然多咗油香, 但有点儿太腻...