麻痺英

营业中

休息中

11月尾嘅星期五，同朋友去咗麻痹英食鸡煲，位置比较远，由太和站行过去都要三个字，感恩有朋友愿意同我去食。我哋要咗滋补猪肚鸡煲。其他选择有重庆鸡煲，香辣海鲜鸡煲，酸菜鱼锅，羊腩煲等等⋯。鸡煲内大约半只鸡，应该系冰鲜鸡冇乜鸡味，不过都滑同冇雪味。猪肚份量都多，新鲜干净。饮品任饮，有汽水，纸包果汁，茶系雪柜自己拎。唔够汤可以自己去茶水部自己拎。二小时任食，任食火锅料同其他任食火锅店差唔多，比较出色嘅系提供凉拌菜任食，例如凉拌海哲，黄金皮蛋，木耳，青瓜，蔬菜类都好多选择，不过牛肉就太肥。待应有礼貌，反应都快，地方就比较细。7:45去到差唔多满，好彩有book 枱。希望下次去试理鱼锅。