美胃餐室

营业中

休息中

荃湾大坝街不嬲都多嘢食，今日行街经过呢间新开嘅餐厅，门面好似几整洁，就入咗去啦！本身以为呢间餐厅净系食烧味，原来都有其他菜式嘅食物，例如有捞丁、铁板扒餐、常餐等等，好有港式冰室嘅味道！我地就拣咗招牌叉烧滑蛋饭同埋肥牛捞面，上菜速度算快，10分钟之内已经嚟齐。叉烧滑蛋饭啲蛋真系好滑！而且个汁好适合捞饭，叉烧就不过不失，冇乜特别。肥牛捞面拣咗咖喱汁，面质算烟韧，唔会淋pat pat，肥牛普通，咖喱汁唔系我预期𠮶种味道。整体都算满意，而且服务态度好殷勤，主动拎张凳俾我哋放袋。不过可能新开张，食物款式较少，希望下次黎，有更加多新嘅嘢食。