影片
更多
2018-09-23
1391 浏览
本来决定去油麻地某一个出名既爷爷𠮶度食嘢经过依间舖头时见到里面都多人,可能都有啲料到㖞,就食依间先啦,下次先打扰爷爷~入到去,卡位已经坐满,圆枱比较逼夹,不过无计啦直接叫咗个炒肉丁饭,特饮加6蚊,红豆冰再另加2蚊,total加八蚊, 尚算抵玩.红豆冰好似即冲咁,话咁快就出.竟然唔提供粗饮管,就好似食中餐唔俾筷子一样,我觉得应该立法规管~另外,红豆煲唔够,仲系好硬净.亦都因为粒粒分明,完全唔“粉”,红豆融入唔到咖啡,纯粹系红豆格硬加入咖啡,味道系咖啡加冰水加红豆,非常分明.肉丁炒饭就好好多,起码够晒热,够香口.其中一啖仲有未炒融晒既肉丁肥膏,系我眼中系神来一炒,果啖真系要用香醇嚟形容,其他不快即时烟消云散.埋单𠮶阵同侍应反映红豆硬掘掘,佢都欣然接受并且话会跟进.虽然整体离满意尚远,但期待进步.
经过依间舖头时见到里面都多人,可能都有啲料到㖞,就食依间先啦,下次先打扰爷爷~
入到去,卡位已经坐满,圆枱比较逼夹,不过无计啦
直接叫咗个炒肉丁饭,特饮加6蚊,红豆冰再另加2蚊,total加八蚊, 尚算抵玩.
红豆冰好似即冲咁,话咁快就出.竟然唔提供粗饮管,就好似食中餐唔俾筷子一样,我觉得应该立法规管~另外,红豆煲唔够,仲系好硬净.亦都因为粒粒分明,完全唔“粉”,红豆融入唔到咖啡,纯粹系红豆格硬加入咖啡,味道系咖啡加冰水加红豆,非常分明.
肉丁炒饭就好好多,起码够晒热,够香口.其中一啖仲有未炒融晒既肉丁肥膏,系我眼中系神来一炒,果啖真系要用香醇嚟形容,其他不快即时烟消云散.
埋单𠮶阵同侍应反映红豆硬掘掘,佢都欣然接受并且话会跟进.虽然整体离满意尚远,但期待进步.
张贴
