影片
更多
2012-07-19
52 浏览
呢间Mr Steak Buffet à la minute，加埋一接近五百蚊一位嘅dinner buffet (七月开始刚加价$20/位)，讲真系金钟五星级酒店价钱，但有冇同等级数同质素呢? 唔知系我去果晚唔好彩定最近差咗，我真心想讲句除非系一心丧食生蚝其他乜都唔紧要啦，如果唔系真系完全唔值呢个价!去食之前见Openrice咁多好评，连平日夜晚去都要预早半个月book台(仲要亲身上去畀订金)，唔少食评又赞到乜咁，真系以为一定好正! 不过可能希望愈大，失望自然就愈大...综合近期Openrice内关于呢间Mr Steak Buffet à la minute嘅好评，有唔少人话服务好细心---自动自觉畀好多纸巾/湿纸巾、主动提醒有梯级(p.s.咁基本都要赞???)，又有人话好多嘢食(海胆、Dreyer's同Haagen-Dazs---「平时卖廿几蚊杯嘅新口味」...)，又有人话样样都系即叫即制啦咁，我唔系怀疑咁多位之前去食过嘅「前辈」嘅评价(事实上个个都有图为证呀)，但我在7月10日晚亲身体验呢，并唔系咁样嘅!===长脚蟹===长脚蟹棒系餐厅卖点同好评推介之一，无错真系每条蟹脚都好大只兼且
去食之前见Openrice咁多好评，连平日夜晚去都要预早半个月book台(仲要亲身上去畀订金)，唔少食评又赞到乜咁，真系以为一定好正! 不过可能希望愈大，失望自然就愈大...
综合近期Openrice内关于呢间Mr Steak Buffet à la minute嘅好评，有唔少人话服务好细心---自动自觉畀好多纸巾/湿纸巾、主动提醒有梯级(p.s.咁基本都要赞???)，又有人话好多嘢食(海胆、Dreyer's同Haagen-Dazs---「平时卖廿几蚊杯嘅新口味」...)，又有人话样样都系即叫即制啦咁，我唔系怀疑咁多位之前去食过嘅「前辈」嘅评价(事实上个个都有图为证呀)，但我在7月10日晚亲身体验呢，并唔系咁样嘅!
===长脚蟹===
长脚蟹棒系餐厅卖点同好评推介之一，无错真系每条蟹脚都好大只兼且极大量供应，但唔好彩嘅系我地十几个人竟然都觉得蟹脚咸到唔系个个食唔落，难怪成晚大量蟹脚任取唔驶排队...谂返转头可能间餐厅谂住啲蟹脚插在冰块入面会慢慢沟淡咸味，所以重手落盐啦...睇见呢篇嘅你，破解方法系唔好拎最面果啲、无礼貌地抽佢插响冰块中间果啲蟹脚，应该会无咁咸。===生蚝===
另一重点中嘅重点---生蚝，的确系排队即开，每次各款共四五只。条人龙一直keep有廿个人排队，直至开始食咗成粒钟先开始无咁多人。当晚离席时仍然有四款生蚝，供应充足。食咗望落个样最新鲜同size最细嘅一只fanny bay，生蚝味好重("哦"返啖气出来都有果阵味...)，但似乎并唔系想象般新鲜，为免个肚唔受得，其他款都已经唔敢再食。至于有冇「海水味」、 「金属味」? Sorry，小弟真系成世人都未食过「金属」，无呢个专长去分辨咁嘢叫做「金属味」...===澳洲和牛===
另一卖点---澳洲和牛其实系铁板煎牛扒，OPEN KITCHEN一次过系咁煎，有人排队拎就切畀你。可能澳洲和牛好贵都唔定，「配给」得极端孤寒，开到口要多一份总共才得那四小件(每件约1.5平方吋)，相当令人失望；不过都好彩佢无畀多，我去果晚唔知系咪个CHEF心情唔好，煎到90%熟，又干又鞋完全无肉汁，真系多谢晒... 老实讲，和牛又好乜牛都好，煎到咁乜都死啦...===冷盘===
冷盘薄牛肉系全晚难得好味之一，青口同蓝青口都真系好食。沙律吧选择算多，望落都唔错(但咁贵嚟呢度唔会想食菜)。烟三文鱼则一如openrice其他食评，认真麻麻。讲开烟三文鱼，摆放位置同附近嘅SALAD BAR旁边竟然都冇提供柠檬、酸豆之类食烟三文鱼必备配料，要柠檬要揾到去生蚝师傅面前，要插队入拎生蚝条人龙入面先有(但都系冇酸豆)，都几离谱...
===熟食===
唔爱好食牛、唔爱好食蚝又唔爱好食鱼生的话，就千祈咪帮衬喇，因为呢间餐厅基本上唔预你会专程食其他野。其他熟食生食款式都唔多同唔吸引，绝对唔系你EXPECT加埋一近$500嘅BUFFET会有嘅款式数量，而且接近纯西式，贵价自助餐通常有嘅别国菜式好似点心、烧味、粉面都系冇嘅。事实上现场所见，基本上熟食都系无人拎嘅。
现场即煮嘅熟食比较深印象嘅有...炸天妇罗---极厚粉所以冇乜人食；日式串烧---系超市冻柜有售嘅鸡软骨串来货(你食埋我果份啦)；鹅肝多士---呢个去货去得快，所以热辣辣唔错；即煎薄牛肉---说好的牛味究竟去咗边?
===鱼生===
鱼生方面三文鱼系肥美新鲜同大大片嘅，其他鱼生就极普通。说好的海胆、带子呢? 全晚都冇出现过。
===雪糕===
至于说好的Dreyer's同Haagen-Dazs呢? 原来变成雀巢雪榚杯同阿波罗雪条...收人五星级酒店价钱，竟然畀人食Apollo...真系唔爆粗再加句「痴x线」都唔得~ 其他酒店收$3XX嘅最「CHEAP」都两三款Haagen-Dazs啦、韩烧都DREYER'S啦...
===服务===
咁说好的细心服务呢? 唔叫都唔加水、叫极都唔加派湿纸巾(自问好有礼貌同侍应讲要湿纸巾仲有讲唔该嘅)... 其实去食自助餐都唔系点需要乜嘢服务，不过侍应唔够呢个系事实。
===环境===
不过最失望嘅系呢间咁贵价嘅餐厅逼到同百几蚊位日式放题一样，椅背贴椅背，全晚不断被路人同侍应碰撞、扫背，张台又细到放多只碟都无位...而且环境又嘈楼底又矮，总之食得好唔安乐! 都系果句，唔系畀呢个价钱EXPECT得到嘅用餐环境!
简单总结啦，又再经一事长一智，第N次亲身验证今时今日openrice嘅好评参考价值系零。
张贴
