SUKIYA すき家 (金龍中心)

营业中

休息中

今日喺尖沙咀揾地方食饭，行过金马伦道，见到呢间日本牛肉饭店，之前喺旺角同埋其他地区嘅分店，每次见到佢都见佢人山人海，排晒长龙，所以一直都冇机会去，但系今日可能因为我哋嘅时间比较晏喇，系下午茶时间，大约系三四点左右，所以反而就冇乜人㖞，一于就去试下，睇吓点解佢咁受欢迎。今次我哋叫咗一个热溶芝士牛肉饭，芝士味道几浓郁，但食落到有啲滞，另外叫咗一个温泉蛋炙烧豚肉饭，豚肉多汁鲜味，饭质都几软滑，不过成个餐嘅卖相就争少少啦，好似个沙律、青菜同埋面豉汤，望落就唔够精致，冇心目中预期咁好，可能因为系日本品牌，期望会比较高，有点落差。