彩aya

营业中

休息中

元朗本店经常排长龙，反而西环呢一间好多枱任拣。店舖嘅位置位于后行，门口做紧工程，周围都系栏杆，入去嘅时候自己小心。店舖里面充满日本小店风情。沾面方面有三款汤底拣选，而是日嘅特别面底系紫菜面。个人比较欣赏虾味增汤底，虾味香浓，而且冇豚骨汤底咁油腻，不过配嘅紫菜面就冇乜特别，只系将啲紫菜整碎打入面，见到好零碎嘅紫菜碎。原味豚骨汤底令我有啲失望，见到放落嚟冇几耐面头已经结左一层油，比较喜欢配嘅几条柚子，食食吓会有柚子嘅清香。本身好期待食佢哋自家制嘅面，但都系有啲失望，冇乜咬口，小麦味亦唔系特别香，而且好碎。全餐最欣赏就系呢一只溏心蛋，蛋味非常香浓，好想知佢用边一款蛋。