妹記大排檔

营业中

休息中

之前系尖沙咀的总店食过2次，都几好食，今次就试一试旺角分店， 睇下水准拍唔拍得住总店。7点半已经有好多人等位了，好彩我们有预先book定位，所以唔洗等。 我第一行8人比咗一张大圆枱我地，位置阔落， 坐得舒服，但环境非常之嘈吵， 好难倾计。蒜泥拍青瓜 $48 完全没有蒜，对唔住呢个名。 妹记小炒王 $78 鱼干虾干好硬， 完全咬唔开， 而且冇鲜甜味，又唔够镬气，不推介。 鬼马油炸鬼 $78 炸得刚刚好，加埋甜酸食好开胃。 妹记炸猪手 $68 猪手算嫩滑，配南乳酱味道ok，可惜太多炸粉了，而且冇乜肉，不推介。 黄金鱿鱼 $78 炸过的鱿鱼加上咸蛋黄酱，十分邪恶，咸蛋黄香浓，鱿鱼爽嫩，全餐最好食的一道菜。 黑椒薯仔牛柳粒 $128 薯仔淋身煮得入味， 牛柳粒有部分好韧，食不下，一道妹仔大过主人的菜式。 榄菜肉松四季豆 $65 四季豆爽甜，而且有镬气，好味。 海鲜杂菜煲 $68 味道清淡，正常的。椒盐豆腐 $58 表皮脆，豆腐嫩滑，好味。 金银蛋浸白菜仔 $68 菜的份量很多， 加上咸蛋皮蛋调味，好味。整体来说，对比尖沙咀总店的食物水准，还有一大段距离。