牛摩+ (上水廣場) (已結業)

今晚请朋友食生日饭，带咗佢嚟上水广场嘅牛摩食日式火锅放题，今餐食好少少，我哋拣咗食极品美国牛小排嘅放题。汤底方面有好多选择，一眼就被呢个造型可爱嘅别注版汤底吸引 —— 博多美人骨胶原啫喱鸡白汤，朋友就拣咗关东风寿喜烧。一开始就会先上一碟极品美国牛小排，牛肉嘅雪花好靓，厚薄适中，口感软嫩，食落唔会有渣，非常唔错！之后再追加嘅牛小排都保持到同样质素。出面自助区有各式各样蔬菜同配料，调味料，饮品，甜品，一应俱全。睇睇Menu，发现除咗平时会见到嘅一般配料之外，仲有一系列期间限定嘅台湾祭食品，其中我觉得好吸引嘅系墨汁香肠，爽脆炸鱼皮，芝士牛肉贡丸，冰烤番薯，一口黑糖麻糬，竟然连珍珠奶茶🧋都有！同时可以品尝到日式同台式火锅，感觉非常特别海鲜方面，都有唔少选择，其中有广岛蚝，加拿大翡翠螺，蟹籽墨鱼滑等都值得一试。广岛蚝都几肥美，蚝味好浓。翡翠螺好大只，螺肉大大粒好厚肉，喜欢食螺嘅朋友必点。朋友见到Menu上有个温泉蛋牛摩饭，就忍唔住想试试，味道都唔错。甜品方面，必食嘅梗系北海道低脂乳酪，仲可以自己加topping。另外有个士多啤梨忌廉蛋糕都几好食。呢餐食得好丰富，好满足