深宵食堂

营业中

休息中

喺旺角行街顺便食埋野先走，网上见到呢间小店评论唔错，虽然未到深宵都决定拣佢。餐厅喺银座食商业大厦入边，装修风格好似日式居酒屋，周围摆满好多日本嘅漫画、图画、人形公仔等，令人更觉更似喺日本。食品嘅选择都系小食为主，烧物、炸物、前菜、一品料理、主食等，$30/起，选择都几多元化。大阪烧系半份，味道正宗。鹅肝什菌石锅饭，细细碗，但其实一个人食都够，有一整块鹅肝，鹅肝唔算太肥，捞埋饭一齐食更加好。蒜片一口牛的牛肉都算高级，好淋有牛味有咬口，将啲酱汁加喺饭食亦都系一个好嘅配搭。吉列蚝系我最钟意食嘅日本小食之一，水准之作。芝士年糕、蟹肉饼及牛舌亦有水准。喺居酒屋食嘢当然唔少得叫杯啤酒，下吓火，几开胃。佢哋好细心，埋单嘅时候仲送咗个口罩。