1樓冰室 (康景街)

营业中

休息中

中午放饭1条友揾食，本身计划食另一间既，但唔好彩撞闸无开门，周围行下见到呢间1楼冰室未食过，就入去试试下，门口招牌就几靓，但入面其实好普通，铺面都唔大1眼望晒有大约11张枱。今日唔知咩事话得普通午市快餐，其他面类果d都无供应，系咁意睇下餐牌就选择左个双蛋双猪饭，$58饮冻柠蜜唔洗加钱。双猪双蛋饭，首先个饭既质量1般般，有d碎湿湿既感觉，又唔系话好湿，不过就口感唔多好，猪排唔算大块，煎得比较香口，同时都比较干身，我觉得还可以啦，煎蛋我要熟蛋，但系用圆模黎煎既我唔多钟意，配菜有d白烚杂菜，味道唔讨好。冻柠蜜开得淡左dd，唔会好甜，唔想饮太甜应该岩饮。整体上叫同一般普通连锁快餐差唔多水准，无乜特色但都叫唔难食，呢个价钱虽然唔算话好贵但可以有更多更好既选择。