1樓冰室 (康景街)

营业中

休息中

唔聽同事講！係都要去尼間食！見到佢貼住d鐵板餐，好似幾好食咁款，就點都要入去試下，點知食完真係後悔，整塊扒d筋多到呢，d肉好難切，又好韌，d薯條都唔好食，味道好怪，凍朱古力好難飲，已經要少冰都好快變水，兩截色🥴

8点要工作, 点都要食d野先, 係附近見到依間, 叫左鮑魚絲通粉, 炒蛋改煎雙蛋配餐包加熱奶茶, 煎雙蛋先來, 先食餐包, 有d硬, 不過避免浪費, 都係照食, 通粉來了想食下熱野先, 通粉湯底幾好味😋, 將兩只煎蛋浸落d湯一起食😅, 鮑魚絲通粉居然有2條菜心, 真係少有, 啱晒喜歡食菜的我🥰, 最後飲熱奶茶, 雖然已經凍左, 但估不到出奇地好飲👍👍, 我都好似好耐無飲過這般質素的奶茶了😚😚

好多時晚餐都要諗食乜好😖咁岩晏晝行過見到鐵板餐都幾抵食咁😆所以就決定夜晚返黎食晚上7:30去到，唔洗等位，不過都full full地餐牌既野食都幾多選擇👍🏻港式雜扒餐(燒汁)$79+茄茸意粉+$8跟餐送羅宋湯👍🏻👍🏻熱飲唔洗加錢由於佢個汁唔係即時俾我，所以冇左「炸炸聲」既喜悅🫢🫢😆得少少好細聲超大份❤️超多野食👍🏻魚柳勁大塊🫰🏻索埋個汁超好食‼️火腿，腸仔正常野冇乜特別炸雞翼一隻，都唔錯，大隻有d肉食下👍🏻豬扒比我想像中仲好食，又大塊又夠晒嫩滑🤤🤤墊底配菜都多，西蘭花、椰菜花、蕃茄、豆、大量薯條🔥🔥🔥薯條好食🤣茄茸意粉加$8就試下，都幾抵食👍🏻👍🏻硬度唔錯，比較乾身，如果可以多d茄茸會開心d羅宋湯跟套送，好飲！都幾足料！檸茶茶底都幾香，唔錯👍🏻蔥油雞香辣海蜇套餐$68，跟餐有油菜、白飯❤️佢個蔥油真係冇得輸‼️超好食，撈白飯勁好食！必試推薦‼️缺點係隻雞唔夠滑，比老身，真係麻麻地跟餐唔揀野飲揀糖水都唔洗加錢😆😆❤️木瓜雪耳糖水👍🏻👍🏻👍🏻正，唔太甜，雪耳爽口，好香口好好飲🫰🏻總結：鐵板餐真心抵食好食👍🏻👍🏻位置係市中心又方便👍🏻👍🏻👍🏻

一向對茶記或冰室嘅扒餐都不抱太大期望，但今日入到嚟又想試下個鐵板餐。叫餐時都可以叫幾成熟，牛扒嚟到時都幾大塊，而且唔算係嗱到霉晒嗰啲，切落去好軟，而且入面煎到微微粉紅好啱我心水，牛扒亦唔乾，唔會好咸。食埋配菜同薯條，剛好夠飽。價錢唔算好平，連埋飲品都$111

中午放飯1條友搵食，本身計劃食另一間既，但唔好彩撞閘無開門，周圍行下見到呢間1樓冰室未食過，就入去試試下，門口招牌就幾靚，但入面其實好普通，鋪面都唔大1眼望晒有大約11張枱。今日唔知咩事話得普通午市快餐，其他麵類果d都無供應，係咁意睇下餐牌就選擇左個雙蛋雙豬飯，$58飲凍檸蜜唔洗加錢。雙豬雙蛋飯，首先個飯既質量1般般，有d碎濕濕既感覺，又唔係話好濕，不過就口感唔多好，豬排唔算大塊，煎得比較香口，同時都比較乾身，我覺得還可以啦，煎蛋我要熟蛋，但係用圓模黎煎既我唔多鍾意，配菜有d白烚雜菜，味道唔討好。凍檸蜜開得淡左dd，唔會好甜，唔想飲太甜應該岩飲。整體上叫同一般普通連鎖快餐差唔多水準，無乜特色但都叫唔難食，呢個價錢雖然唔算話好貴但可以有更多更好既選擇。

今日做完家務後，同家人一齊出去大橋街市附近食午餐+下午茶，順便買埋餸及家庭用品返去。決定試下幫襯1樓冰室，入到去見到每枱都有客，原來仲有最後一張圓枱於入面。家人揀咗蟲草雞米線，飲品另叫凍朱古力雞肉的份量都算多，米線就有啲過淋，個湯都OK。凍朱古力濃度適中。我揀咗豬扒蕃茄湯通粉，飲品另叫凍檸茶走甜豬扒口感OK, 而且都幾大塊，蕃茄湯雖然夠濃，不過蕃茄蓉並唔多。凍檸茶夠味，不過阿姐忘記咗走甜。整體食物及飲品的質素OK，雖然阿姐忘記咗走甜，不過觀察所見2位阿姐的招呼其實幾好！另外，呢度部分的餐牌食物並無包飲品，好似今日我地分別要加$13及$9。

行咗幾個圈..見到有海南雞套餐..就諗住試吓呢一間..大約8:30左右叫我叫嘅時候聽到話係最後一份..等咗大約5分鐘就走得..海南雞整體偏油…同埋份量偏少..唔知係咪因為最後一份..好彩個飯好大盒..都夠飽…最失望反而係個湯…本身對出面既湯都唔係好大期望架啦..不過見到佢都有啲湯料..都諗住可以食少少..但呢個湯真係..超級咸..飲唔晒個湯都唔出奇..但咸到我連啲湯料都食唔到..應該唔會再試食呢一間..

好耐好耐無去元朗喇，今日興致勃勃咁出發，扮下去旅行都好吖落車其實我都唔知行左去邊，又到搵食時間，元朗真係好多食肆，我就逐間逐間睇下👀有邊間吸引我呢間1樓冰室，簡直係多國菜黎😂台式、日式、港式、美式、越式就連馬來西亞都有😆。我都係選返港式最穩陣😆，由於已到tea time，緊係食下午茶抵D啦，㨂左個瑞士汁雞髀🍗拼薯條🍟（$38）加杯熱檸茶（跟餐加$6）；老公㨂左個古祖梅菜扣肉套餐（$55）加杯凍檸茶（跟餐加$3）。隻雞髀🍗都好入味呀，無雪味而且配搭係粗薯條🍟，相當豐富。個古祖梅菜扣肉老公讚不絕口，扣肉入味、梅菜唔太咸、梅菜量勁多，餐內仲包埋一碟菜、一個泰香飯（即係加左飯素係面既白飯）同埋一個燉湯，個湯D料多到呢😊。最後佢連一粒飯都清埋可想而知有幾好食而家呢個時勢，食得好之餘都要食得精明我地呢餐都只係用左$102，真係相當實惠

偶爾行過元朗入咗一樓冰室、諗住簡簡單單食個飯冇乜特別 點知都係有少少哋中伏。唔知食咩好求其叫個叉燒炒蛋配肉燥飯正正常常諗住冇乜特別首先係我唔啱揀錯咗配沙律 一兜銀禧小食店醬多個菜嘅沙律九唔搭八死人都加啲木耳落去碟叉燒炒滑蛋出場 佢隔離都係有啲木耳再加一舊鹵水豆腐所有嘢嘅食 味道都冇乜問題.但係佢倒埋一碟就好似尋晚阿媽食淨啲舊餸咁樣最大嘅問題終於出現佢個師父似乎對於炒滑蛋同生雞蛋 似乎 分唔開佢炒雞蛋大概六成熟仲食得出生雞蛋嗰啲腥味.即時大打折扣傳個餐最好食就係兜肉燥飯其他嘢乏善足陳

以為茶餐廳常餐實冇死？真的太年輕了少年真係估佢唔到 煎蛋液當炒蛋（PS已經同左阿姐反映 當聽唔到）我都諗唔到仲有咩好補充了完（點解最少要80字食評？？？？附圖仲唔夠？）

難得入元朗，原本想食果間餐廳無開，於是求其搵間食，見到這間冰室，睇出面餐牌D嘢也幾啱食，於是入去，想叫餐時，無人理，因為樓面得兩個人，其中一人忙住做外賣，另一人收錢、執枱、安排客入坐等，雖然舖頭唔太大，但得兩個人也太少了吧..最後成功叫了羅宋湯雞扒通、鐵板豬扒雞扒腸意粉餐、紅蔥醬油雞，羅宋湯幾好味，唔會過酸，大大碗，鐵板也份量充足，豬扒入味，但意粉比較乾，醬油雞，雞肉嫰滑，味道不錯，最後加了三碗腐竹雞蛋糖水，雖然份量不是很多，但有成隻蛋，同不太甜，整體而言成餐飯也ok.

尋日第一次去呢間食，我同男朋友去咗食下午茶啦，一個咖喱牛腩飯，一個香茅雞翼配薯條。。。仲以為叫雞翼薯條實無死啦，點知一食隻雞翼，食落好古怪有陣怪味，完全唔係平時食既香茅雞翼，3隻雞翼都係咁呀，從來未食過雞翼係咁囉，真係食唔落！！！至於佢叫個個咖喱牛腩飯，望落去都唔錯，d色都幾好咁，點知一食落口，舊牛腩又係有陣怪味，真係食唔落囉。。。結果淨係食左d薯條🍟，佢個飯就真係食左少少咋，真係無下次呀！！！

好少係元朗，路過肚餓就搵嘢食啦，下午茶時間～見到有一間叫 1樓冰室，個名幾得意，就決定入去試下。食左個泰式小食拼盤，有蝦餅，香茅雞翼，串燒，薯條，茄汁。除了串燒味道一般外，其他都熱辣辣好脆好好味，三十幾蚊，算抵食！仲有一杯飲品，我叫左熱檸檬菜蜜，都幾好味，夠濃

今日晏就同男朋友去食左個羅宋湯蟹棒腸仔通粉，凍檸茶，野食真心唔係好食，但放入口食都食到，咁好啦，到夜晚開始個人好唔舒服，到岩岩12:00嘔左通粉出黎，食完呢個通粉之後我無食過野，所以好肯定係呢個通粉唔乾淨，真係以後唔會再去好辛苦呀～～ 真係絕對唔推介，講味道，不好，重點是把我整得好唔舒服同嘔

🔎1樓冰室 (元朗) #黃店系列📍元朗康景街23號華恩樓地下B號舖-#元朗黃店 搵食認住米豬連🐷👍🏻 🔹咖哩牛坑腩飯 $56都幾多選擇 晚市仲有好多人打邊爐咖哩幾好味 唔重口味又唔會好淡加左芫茜 辣椒 青椒都幾香 薯仔亦都煮得淋牛腩牛筋好淋 1d都唔會韌 d飯仲加左少量糙米包熱飲 凍飲+$3 仲可以轉糖水+$8