神廚館 (已搬遷) 新店位置

为食的我, 知道大个咀有间神厨馆的物体以高票当选, 又唔系贵, 就一定要试。星期六的下午, 小小的店舖, 多人多到无位, 要坐出外面食尘。(其间都有唔少人买外卖)点了No. 1的镇店之宝- 紫菜墨鱼饼煎蛋饭& 胡椒鱼汤煎蛋好多油, 其实成碟饭都好油, 墨鱼饼外脆内软, 系成餐饭的主角, 内有红萝卜粒, 食到有墨鱼粒, 坚料, 够咸唔驶鼓油。煎蛋么…咪煎蛋啰, 无特别, 油D啰…紫菜呢…少少地…钓下味咁啦…白饭就…硬少少…我钟意食软饭多D墨鱼饼下的椰菜, 白灼的, 过了火, 冻的, 无味, 好过无胡椒鱼汤, 胡椒味浓, 系因为鱼汤唔浓, 唔系好觉有鱼味, 全盛时期的荃湾鱼米线的鱼汤一定坚好多, 而家就两个都一样…流。食完好热, 汗水流流, 敬告各位一定要入去坐, 坐出面就会系咁。整体而言, 墨鱼饼系唔错, 但无话好似江湖上流传到咁夸张。下次我会问佢可唔可以净食墨鱼饼, 但都会试下其他菜式的。