天蓬 (已結業)

同啲内地同事去完长洲玩，送佢哋搭高铁返内地之前。老细又唔想过海，咁就近近地醒起呢一间餐厅快快地食个early dinner。因为夜啲可能约朋友食饭，都谂住食得轻啲就无叫猪扒，同埋多数去啲新嘅快餐店都会食沙嗲牛肉。咁又好耐冇食过午餐肉，咁就嗌咗个类似常餐。上餐嘅时候，发现块多士系厚底，早知佢系厚多士嘅话，一定烘底。如果佢再加埋少少蒜蓉喺面嘅话就正到不得了。不过依家咁样斋包夹午餐肉食都好开心。但系个沙嗲牛肉就平凡咗少少，食完冇乜印象。配斋啡走甜都唔错，冇苦涩味够我充电。个煎蛋窿边都好正，不过始终都系隔篱饭香，见到老细个西多士都好想试，不过都系𠮶句夜晚可能食饭所以就留返下次啦，下次要试埋佢猪扒，可能要食猪扒先可以见到佢嘅真章。另外服务员都好好，差唔多收都俾我哋入，做埋个last order！