影片
更多
2013-11-04
7451 浏览
星期天远足旅行，从西贡坑口步行到布袋澳村。四点零五点，医肚时间。帮衬「发记海鲜酒家」。典型渔村海鲜酒家格局，大牌档 feel，环境OK，算系有啲亲切感啦。睇餐牌，比一般小菜馆贵好多，但话哂都系海鲜酒家（虽然山旮旯咗啲），一场嚟到冇所谓啦！但留意埋单先知原来有加一嘅，餐牌冇写。人少少点咗三𩠌一汤。第一碟上嘅系豉汁炒蚬，卖相不俗，睇得吓。但啲蚬居然连D咁 dur 蚬味都欠奉，最大件事大部份都唔热(海产呀!), 蚬肉炒到甩皮甩骨，唔系 lung 住壳嘅，搞到我哋要好似寻宝咁通碟「摷」。而且着咗三分一都系霉霉(淋淋)咁，又唔新鲜。良心话；调味汁料都算唔错，但感觉就似系食调味料多啲！若果食钟意调味汁的话，就值得推介。跟住上海鲜汤，又系唔够热! 似老火例汤！海「鲜」汤点解鲜都唔鲜架？味道就真系好浓呀，不过就似系咸鱼头豆腐汤再加鸡汁啰。估计可能似万年汤；不断加料加水嚟煲𠮶只另类汤。「招牌炒饭」又系例牌唔够热，炒得都算松软可口，不过比较湿身，亳无特别？奇怪叫「招牌炒饭」！实际系杨州炒饭!唯一似样啲嘅系椒盐鲜鱿，调味同埋炸嘅功夫都几好，鱿鱼够厚身，又几新鲜，只系面个几件鲜鱿大D，下面鱿鱼碎粒比较多？向收
帮衬「发记海鲜酒家」。典型渔村海鲜酒家格局，大牌档 feel，环境OK，算系有啲亲切感啦。
睇餐牌，比一般小菜馆贵好多，但话哂都系海鲜酒家（虽然山旮旯咗啲），一场嚟到冇所谓啦！
但留意埋单先知原来有加一嘅，餐牌冇写。
人少少点咗三𩠌一汤。第一碟上嘅系豉汁炒蚬，卖相不俗，睇得吓。
但啲蚬居然连D咁 dur 蚬味都欠奉，最大件事大部份都唔热(海产呀!), 蚬肉炒到甩皮甩骨，唔系 lung 住壳嘅，搞到我哋要好似寻宝咁通碟「摷」。而且着咗三分一都系霉霉(淋淋)咁，又唔新鲜。良心话；调味汁料都算唔错，但感觉就似系食调味料多啲！若果食钟意调味汁的话，就值得推介。
跟住上海鲜汤，又系唔够热! 似老火例汤！海「鲜」汤点解鲜都唔鲜架？味道就真系好浓呀，不过就似系咸鱼头豆腐汤再加鸡汁啰。估计可能似万年汤；不断加料加水嚟煲𠮶只另类汤。
「招牌炒饭」又系例牌唔够热，炒得都算松软可口，不过比较湿身，亳无特别？奇怪叫「招牌炒饭」！实际系杨州炒饭!
唯一似样啲嘅系椒盐鲜鱿，调味同埋炸嘅功夫都几好，鱿鱼够厚身，又几新鲜，只系面个几件鲜鱿大D，下面鱿鱼碎粒比较多？
向收钱嘅负责人东主反映啲炒蚬问题。始知炒蚬系有独门创新秘方嘅！！！
东主揭秘的话先要将啲蚬蒸熟，再用冻水嚟过冷河，顺便冲走啲沙，然后再落镬炒，咁样就可以确保啲蚬肉冇沙(其实食落还是有小许沙)，而且口感爽滑弹牙……！
但用冻水嚟冲啲熟蚬，会唔会冲走哂啲蚬嘅鲜味。而且批量制作嘅话，熟蚬放耐咗会霉烂，再落镬炒，也可能导致壳肉分离？据知蚬系要先养佢几日，等佢自然咁吐哂啲沙！
唯有说句各施各法，我唔识欣赏。
题外话/补充资料：
以价论品质又加一，
出翻市区食好过。
(以上食记乃用户个人意见 , 并不代表OpenRice之观点。)
张贴
