金泰苑泰國餐廳 (已結業)

之前喺团购网用咗$300买$620现金券, 抵! 趁住末日前夕一于同男朋友去食餐好既。平时2个人好少会食咖喱炒蟹, 因为怕食唔到太多..... 既然就嚟世界末日, 今餐唔好理啦, 想食就叫啦 咖喱炒蟹: 正! 只蟹好鲜甜, 虽然𠮶日无膏蟹, 但系肉蟹一样咁好味, 听老板讲只蟹系有order先㓥, 所以好新鲜。而个咖喱汁亦做得好好, 用嚟点蒜蓉包简直perfect!蒜蓉包: 好香, 好脆, 如果唔系得2个人惊食唔晒, 一定会嗌多客用嚟点咖喱。酸辣凤爪: 因为我唔系好食得辣, 所以只系食咗2只, 不过都已经要即刻嗌返个椰青饮。蒜子青胡椒大虾: 好味! 真系好大只虾, 啖啖肉, 不过贵咗d, $178先得2只虾。炭烧猪颈肉: 一上枱见到d颜色比较浅, 谂住应该系烧得唔够香, 点知食落口又几得㖞, 热辣辣, 好香口, 好软熟, 而且一碟仲有好多块, 抵食!总括嚟讲呢餐真系非常唔错, 不过如果唔系有团购优惠, 用原价嚟食都会觉得几贵。