孖寶車仔麵

营业中

休息中

葵涌从来都唔系主要嘅游客区，但位于葵芳嘅葵涌广场却有最地道最本土嘅美食，作为本地人，唔知你哋又多唔多去葵涌广场扫街揾食呢？葵涌广场除咗扫街小店之外，场内亦有多间车仔面选择，而孖宝车仔面就系我哋嘅最爱。鱼肉春卷、猪红、牛腩幼面配秘制汁食车仔面嘅灵魂一定系酱汁，而大部份车仔面嘅酱汁都系辣、辣、辣！如果唔食得辣，酱汁通常都与你无关，不过孖宝车仔面就特别为唔食得辣嘅人调配秘制汁，增加汤底嘅香浓度，非常惹味！另外，鱼肉春卷真系一定要叫，非常弹牙，超好味！猪皮、牛柏叶、咖喱鱿鱼米粉配孖宝辣汁免费嘅酱汁除咗秘制汁，仲有腩汁，如果想食辣，孖宝辣汁同咖喱汁则要另外收费。钟意食辣嘅朋友真系唔可以错过孖宝辣汁，视乎自己嘅能力拣选大辣或小辣。其实我觉得小辣真系唔够劲，钟意食辣就记住唔嗌大辣。孖宝辣汁够香又够辣，极具层次。至于枱面上仲有孖宝车仔面自家出品嘅菜甫同辣菜甫，辣菜甫非常爽口，可以增加整碗车仔面嘅口感同层次之余，仲要系免费架！最后，值得一赞嘅系猪皮，劲干净白滑，而且索晒酱汁，真系唔错。