影片
更多
2024-08-15
219 浏览
讲到观塘嘅疏乎厘pancake，一定唔可以唔提呢间。“Four O Five Coffee & Eatery”印象中之前嚟过两三次，每次都系为咗试佢嘅疏乎厘pancake。佢嘅特色系做到好大份，挺身但唔会牺牲质感同香味。上次已经试过焦糖同伯爵珍珠奶茶味，今次就叫了”香浓海盐朱古力疏乎厘班戟”。好，首先介绍呢个。香浓海盐朱古力疏乎厘班戟 $128 - 呢个朱古力嘅份量，系食完一定会饱嘅份量。佢唔止遮晒成个本来已经巨型嘅班戟，仲遮埋只碟，实在太夸张。香浓嘅朱古力味之余有好多Oreo碎，加上有焦糖香蕉，基本上净系睇样，你都会想像到味道有几丰富。讲返主食同小食。好耐冇食牛，所以今次拣咗:酥炸海苔鱿鱼配青芥末沙律酱 $78 - 算系比较特别嘅小食，酥炸鱿鱼本身系有咬口，质感烟靭，配埋沙律酱其实几开胃，亦都唔会觉得好热气。石烧澳洲牛颈脊/糖水心鲍鱼配露丝玛莉汁 $268 - 呢个非常夸张嘅主菜，其实肉嘅份量唔算好多，但咬肉嘅肉味好浓，用石烧嘅方法令到佢好香之余唔会好油，加上有啲盐、烧汁同芥辣可以调味，连同薯条食其实效果唔错。鲍鱼系靓嘅，咬落去亦都有糖心效果。上嚟呢度食真系要订位，基本上坐到九点都仲
“Four O Five Coffee & Eatery”
印象中之前嚟过两三次，每次都系为咗试佢嘅疏乎厘pancake。佢嘅特色系做到好大份，挺身但唔会牺牲质感同香味。上次已经试过焦糖同伯爵珍珠奶茶味，今次就叫了”香浓海盐朱古力疏乎厘班戟”。好，首先介绍呢个。
香浓海盐朱古力疏乎厘班戟 $128 - 呢个朱古力嘅份量，系食完一定会饱嘅份量。佢唔止遮晒成个本来已经巨型嘅班戟，仲遮埋只碟，实在太夸张。香浓嘅朱古力味之余有好多Oreo碎，加上有焦糖香蕉，基本上净系睇样，你都会想像到味道有几丰富。
讲返主食同小食。好耐冇食牛，所以今次拣咗:
酥炸海苔鱿鱼配青芥末沙律酱 $78 - 算系比较特别嘅小食，酥炸鱿鱼本身系有咬口，质感烟靭，配埋沙律酱其实几开胃，亦都唔会觉得好热气。
石烧澳洲牛颈脊/糖水心鲍鱼配露丝玛莉汁 $268 - 呢个非常夸张嘅主菜，其实肉嘅份量唔算好多，但咬肉嘅肉味好浓，用石烧嘅方法令到佢好香之余唔会好油，加上有啲盐、烧汁同芥辣可以调味，连同薯条食其实效果唔错。鲍鱼系靓嘅，咬落去亦都有糖心效果。
上嚟呢度食真系要订位，基本上坐到九点都仲系满晒。另外疏乎厘班戟烹调需时，其实个main食到一半已经可以叫佢上甜品，咁就唔使等咁耐了。
张贴
