環保農莊餐廳 (已搬遷) 新店位置

睇睇个 menu，菜式似乎无咩主题。一间唔显眼，但比到我惊喜既港式多国菜餐厅。食物、环境同装饰都好有地道气色，大叔侍应都好热情。大厨为多位前港督御厨，好似几得㖞，系餐厅入面挂满照片为证，仲话好多政客都赞添。但唔知点样同环保扯上关系呢？酸菜，每碟收费 HKD5 碟，一定要收 nuts 钱啊 ﹗我仲以为系任食架添。甜甜酸酸好好味，有青瓜、甘笋同白萝卜，成碟我一个人食晒，朋友们不太食酸呢。意大利三文鱼沙律，撒上少量芝士粉，dressing 不太酸而带微甜，几喜欢。蔬菜新鲜爽甜，烟三文鱼软棉棉带咸香。整个沙律都好好食，如果温度可以凉一点就更好喇 ﹗ 焗肉酱薯皮，新鲜出炉，热到烫口 ﹗正呀 ﹗味道唔错，仲好香添，肉碎装得满满系薯皮上，非常足料，但硬系有点寡寡地既感觉。啊 ？﹗系咪少左芝士呢？ 芝士笕菜焗生蚝，虽然唔讲得话系好好，但都唔错喇，蚝有淡淡鲜味但比够瘦削。法式海鲜 pizza，好特别又好得意㖞 ﹗酥皮饼底，放系枱时，有风吹过会一片片飘吓飘吓。食落味道清新，饼底松化，海鲜配料都唔少，好味道。蒜香什菌意粉，意粉 8 成熟，不太硬又不太腍，good ﹗味道带菌香，都几好。