Délifrance (香港國際機場)

营业中

休息中

寄存行李后，仲有大把时间。离境前，同父母一齐去呢间铺食。其实从前喺机场做兼职时，贪佢有员工价食意粉，隔左咁多年再食，味道同款式唔一样。招牌至尊公司三文治：父母超级赞扬，可能佢哋喺市区无揾到咁有质素同份量既公司三文治啦。佢哋表示食材新鲜，而且块鸡肉同其他配料好夹，而我觉得是中上水平。火鸡烟肉炒意粉：应该是限定时候既菜。面是幼身夹干，阿爸形容系正式煮法，我就唔识了，不过鸡肉好「嚡」，烟肉不过不失。鸡肉芝士汁菠菜合桃螺丝粉：热腾腾食时非常好食，鸡肉和菠菜配合得很不俗，合桃视乎个人是否接受，只能说是有趣的配搭，因为摊冻了就不搭味，但螺丝粉加埋汁是好吃的。饮料：咖啡，很不错；奶茶，尚好；苹果茶，要加上饮第２次才开始好饮。