妹記生滾粥品

营业中

休息中

由于妈咪唔系几舒服，所以去完church之后就黎左呢度食粥当午餐。呢度一直都几出名下，而且知佢只系做到 3 点就收档，所以迟d黎食都食唔到。我地黎到既时候都系眼见佢呢档几乎最多人。呢度真系只有粥，最多俾多个油炸鬼你，无炒面肠粉其他野，不过今日我地想要油炸鬼佢都话卖哂，咁唯有叫粥算数啦。我地一人一碗，要左碗状元及第粥同埋腰膶粥，分别系$21同$25，贵唔贵就见人见至啦，普通啦，唔系贵都唔系特别平啰。等左大概 5 分钟多D就有得食啦，佢既份量一般，唔算特别大碗，不过真系好热辣辣，要慢慢食先食到。粥底唔算好绵，不过都食到少少米香既。食落去真系几浓味，唔知佢真系咁香定系味精成份居多，不过食完都未至于会觉得好口干。反而觉得佢D材料几好食㖞，食及第粥就系贪佢咩料都有，猪肉丸个人觉得几好食，因为食落去有口感，唔会系好淋，而且有好香既肉味，再加点点胡椒味道既感觉，唔错。另外猪膶切得几薄，食落好软熟，唔会好干好硬咁。粉肠食落粉粉的，但好干净，佢同猪腰都唔会有怪味道，大部份材料都唔错食得过。佢只系专做粥一样食品，如果咁都做得唔好咁佢都真系有D问题，不过都真系食得过既，系旺角想食粥既可以考虑黎呢度。