海洋超級漁港 (深海龍躉專門店)

营业中

休息中

今日同家人到佐敦海洋超级渔港食晚饭。原来餐厅拎左饮食天王颁奖礼龙趸天王。好快安排好座位，店员好有礼貌问好饮咩茶，俾左碟脆脆花生。今日我哋叫左个二选一特价优惠，4个人可以以$78叫半只酱烧琵琶鸭，原煲老火汤，西澳洲龙虾三宝（芝士焗龙虾伊面底，金银蛋蒜子浸菜，当红脆皮吊烧鸡）果皮蒸头腩。酱烧琵琶鸭：琵琶鸭入味，烧出外脆内热。原煲老火汤：个汤饮得出个浓味完全饮得出系煲左劲耐既老火汤个浓度人地讲几多碗水煲到一碗个款，真系超级好饮。粉葛鲮鱼汤真系用料十足。芝士焗龙虾伊面：芝士味浓，龙虾啖啖肉，龙虾爽口弹牙。伊面混合芝士汁食一流。金银蛋蒜子浸菜：咸蛋皮蛋都好香，蒜子爆过香味入返个汤。菜芯新鲜爽脆嫩口。当红脆皮吊烧鸡：鸡外脆内嫩滑，肉汁仲锁住，唔会过火鞋口。果皮蒸头腩：果皮香带起成个鱼，鱼香味十足。红豆沙：红豆够晒淋，甜度岩岩好。