King's & Queen's 冰室 (已結業)

作为港岛人，平日真系绝少会嚟乌溪沙呢边揾食，趁今日港铁有半价乘车优惠，专登过嚟行下。上网 Search 到泥涌村呢间「King's & Queen's 冰室」，据说餐厅系由名厨主理，食物坚持唔落味精，令人食得健康又放心，就一于试下。餐厅开设于一幢村屋地下，店舖占地甚广，设有室内用餐区同露天茶座。室内装潢亮丽，场内设有唔少打卡位，尤其是系𠮶幅天使翅膀壁画，俘虏无数食客心。我哋点咗几款小菜，先尝咸香黄金虾球 ($128)  虾球胀卜卜，每只都均匀地沾满咸蛋黄脆浆。虾肉挺身爽弹，蛋黄油香十足，食落有起沙口感，每一啖都有香浓咸蛋味，邪恶度爆灯。啫啫滑鸡煲 ($88)，鸡煲热辣辣，上台时仍吱吱作响。鸡件份量十足，食落肉质好嫩滑，配料有猪润、洋葱、冬菇同原粒干葱，加埋浓香惹味嘅酱汁，佐饭一流！豉汁蒸大鳝 ($128)  大鳝件件都好厚肉，入口爽脆有弹性，豉汁味好香浓，加上每件都用咗豆腐嚟垫底，豆腐嫩滑又有豆香，同大鳝好夹，啖啖肉又冇骨。西兰花炒鲜鱿 ($98)  西兰花翠绿爽甜，鱿鱼好新鲜，多汁烟韧，食落爽滑弹牙，加上大厨功夫一流，炒得好有镬气，充满大排档风味。另外我哋仲点咗白饭，原来呢度嘅白饭系