豚道樂 (大河道) (已結業)

今日咁岩行开荃湾又好耐冇食拉面,就拣左呢间试试!入到去侍应安排左窗口位。一坐低就见到枱上面有usb线畀人叉电,好贴心!间店既装修同摆设都几有心思,侍应仲提我地枱下面有钩可以挂袋,够晒方便!睇睇Menu,见到款款都好吸引咁!最后Vi点左碗冬日限定既辛味番茄芝士拉面、饺子同一支抹茶汽水。面方面拣左曲面,硬度就拣普通。配料方面拣左青葱同猪腩肉,冇加辣酱。落左单之后等左十几分钟面先到,可能星期六晏昼间店都几多客,所以等得有少少耐。不过面一到心情即刻好番晒,成碗面望落去同 menu幅图都有九成似,好吸引!配料埋得好整齐,闻落去都好香蕃茄味!食落去d面都几弹牙,软硬适中,岩晒Vi既口味。而汤既味道浓郁,唔会太咸,蕃茄味好够,不过略嫌有d杰。而芝士味虽然唔系好浓,但捞埋蕃茄汤同红洋葱个味道几match!而且半溶既芝士挂系面到食到芝士既质感,但就无咩辛味~~块猪腩肉都几肥,不过因为够薄同埋有略略烧过咁,所以都可以接受。同埋皮个个位有d un,要用多d力先咬得开,但同样因为够薄既关系而唔算好大影响。饺子方面,个底脆脆地做得唔错。个馅虽然只系普通猪肉同椰菜,但食落啖啖肉,都算唔错啦!另外支抹茶可乐几特别,