影片
更多
2020-06-20
2621 浏览
成间舖以九份为主题，墙身印有九份老街丶阿妹茶楼等等作背景，店面唔算大，大约可招呼20名客人，每枱之间有少少空间感，店员热情好客，自己剔单拣食物，成个感觉都似喺九份食饭咁～怀旧鲁肉饭 (小) $30经典台湾味，白饭上淋上炖煮碎五花肉及酱油卤，卤汁五花肉好入味，无乜肥肉，食到有少少软骨，味道咸中带甜。红烧牛肉米粉 $46汤底算清，好重牛味，牛𦟌筋肉均匀，有咬口；特别钟意食台式米粉，半透明质地柔韧，唔似港式米粉咁腍丶溯水而发胀。酥炸鱿鱼 $42谂起台湾夜市炸花枝，就叫碟嚟试吓；即点即炸，好脆口，鱿鱼须够厚身，香口弹牙！肉松起司蛋饼 $32蛋饼系台式经典早餐，去亲台湾必食；饼皮好薄，口感带点烟韧，好多肉松，蛋大约有2mm厚，唯一嫌个芝士味唔够重。胚芽珍珠奶茶 $28呢度嘅饮品可以自行选择糖度同埋冰量，拣咗微糖丶少冰，胚芽麦香味，珍珠质感好Q，充满黑糖味。茉香珍珠奶茶 $23茉莉茶味够香醇，微甜啱啱好。
成间舖以九份为主题，墙身印有九份老街丶阿妹茶楼等等作背景，店面唔算大，大约可招呼20名客人，每枱之间有少少空间感，店员热情好客，自己剔单拣食物，成个感觉都似喺九份食饭咁～
怀旧鲁肉饭 (小) $30经典台湾味，白饭上淋上炖煮碎五花肉及酱油卤，卤汁五花肉好入味，无乜肥肉，食到有少少软骨，味道咸中带甜。
红烧牛肉米粉 $46汤底算清，好重牛味，牛𦟌筋肉均匀，有咬口；特别钟意食台式米粉，半透明质地柔韧，唔似港式米粉咁腍丶溯水而发胀。
酥炸鱿鱼 $42谂起台湾夜市炸花枝，就叫碟嚟试吓；即点即炸，好脆口，鱿鱼须够厚身，香口弹牙！
肉松起司蛋饼 $32蛋饼系台式经典早餐，去亲台湾必食；饼皮好薄，口感带点烟韧，好多肉松，蛋大约有2mm厚，唯一嫌个芝士味唔够重。
胚芽珍珠奶茶 $28呢度嘅饮品可以自行选择糖度同埋冰量，拣咗微糖丶少冰，胚芽麦香味，珍珠质感好Q，充满黑糖味。
茉香珍珠奶茶 $23茉莉茶味够香醇，微甜啱啱好。
张贴
