影片
更多
2012-04-11
176 浏览
上次来都唔记得系几耐之前了.今晚和阿妹上来食, 她好开心, 因佢未食过, 有得试新野.卜左7点, 上到来, 并不太多人;地方都好舒适, 好干净.好多野都想食, 对住本menu 唔知点开始; 好彩阿姐见我地8人, 就推介8人餐喇, 想食的都有齐晒, 好呀!先上的有四前菜. 有卤鸭, 万年青, 素鹅, 五香牛肉.卤鸭味几浓, 几咸, 卤味重, d 汁系似卤酱多过卤水汁, 浓.万年青好别致菜及笋都爽口, 好似系有少许麻油味, 香又爽.素鹅我本人最爱, 阿妹都食了不少! 食落D汁必出O黎, 入味又不太咸, 够层次感.五香牛肉虽已好正, 但相比其他菜色就略逊, 加上d油琼左, 卖相己打了折扣.之后有热食: 龙井河虾- 超爽口, 唔油, 又劲热, 够晒镬气, 加唔加醋都咁好食爽口.蟹粉豆腐- 蟹粉份量足料, 鲜味十足, 很配合淡淡的豆腐.剁椒大鱼头- 真系好大个鱼头! 原来鱼头都好多肉. 阿姐话系空运到港的, 好新鲜, 一d都唔腥, 肉滑又甜.不过d 椒好辣吓, 注意. 东坡肉- 贵精不贵多, 份量一人一粒倒, 又唔算油腻, 食了冇话成口油, 肥膏反而几有咬口!好入味, 好香, 苏生果然有品味
今晚和阿妹上来食, 她好开心, 因佢未食过, 有得试新野.
卜左7点, 上到来, 并不太多人;
地方都好舒适, 好干净.
好多野都想食, 对住本menu 唔知点开始; 好彩阿姐见我地8人, 就推介8人餐喇, 想食的都有齐晒, 好呀!
先上的有四前菜. 有卤鸭, 万年青, 素鹅, 五香牛肉.
卤鸭味几浓, 几咸, 卤味重, d 汁系似卤酱多过卤水汁, 浓.
万年青好别致
菜及笋都爽口, 好似系有少许麻油味, 香又爽.素鹅我本人最爱, 阿妹都食了不少!
食落D汁必出O黎, 入味又不太咸, 够层次感.五香牛肉虽已好正, 但相比其他菜色就略逊,
加上d油琼左, 卖相己打了折扣.之后有热食: 龙井河虾- 超爽口, 唔油, 又劲热, 够晒镬气, 加唔加醋都咁好食爽口.
蟹粉豆腐- 蟹粉份量足料, 鲜味十足, 很配合淡淡的豆腐.
剁椒大鱼头- 真系好大个鱼头! 原来鱼头都好多肉. 阿姐话系空运到港的, 好新鲜, 一d都唔腥, 肉滑又甜.
不过d 椒好辣吓, 注意.
东坡肉- 贵精不贵多, 份量一人一粒倒,
又唔算油腻, 食了冇话成口油, 肥膏反而几有咬口!好入味, 好香, 苏生果然有品味!
老鸭煲- 闻落仲以为系鸡, 食落先知系鸭; 个汤好饮, 够晒入味, 不过阿妹complain 话饮完几口渴. 我却食了好多火腿.
富贵鸡-
等左好耐, 终于上场. 阿姐已卜散左个外壳. 内的大头菜, 冬菇云耳都看到, 香喷喷的. 焗左咁耐, d 鸡皮的肥膏已溶了7788, 怕油的也可食埋个皮; 不过汁略咸, 点少少已足够.酒酿丸子-
不是很容易找到的甜品, 够咬口 , 不过一d 酒味已冇晒; 个人比较喜欢仍有少许酒味的, 不过此家出品已很超水准.服务呢, 很好了, 阿姐都好快手友善有求必应.
加埋一, 两千六.
张贴
