Maison Du Mezze

朋友提到不如去酒店食特色黎巴嫩菜，虽然要去到东涌，但仍然推介俾大家👍🏻👍🏻经过见到装修好有格调，而环境比较昏暗，最啱情侣静静地叹吓美食，职员主要都系外籍人士，但佢哋都会好主动向你介绍特色菜，服务态度不俗。首先餐前小食 我哋嗌咗鹰嘴豆蓉拼盘，配合埋面包一齐食，四款唔同口味 分别系红菜头/松露/番茜腌菜/原味鹰嘴豆蓉，整体配合几好👍🏻 口感好滑。而主食叫咗慢煮羊肩肉饭，佢同坊间煮法有啲唔同，好香烟熏味，超级香口，配合乳酪酱，风味十足。另一个主菜—魔鬼鱼蚬肉配柠檬牛油汁，调味啱啱好，鱼嘅肉质好结实，以外皮烤得好香脆，蚬肉又滑嫩🥰近来食过几高质西餐主菜。同朋友仲叫咗Godiva 朱古力棉花糖cocktail 、班兰热情果特饮mocktail，都系开胃饮品，配搭新奇，出奇地好饮。👍🏻👍🏻呢间餐厅主打特色黎巴嫩菜，以酒店嘅环境/价钱 价钱都算合理，而味道唔错，服务质素很好，推荐大家去食。