2017-04-30
1379 浏览
我老婆喺几钟意食饺子嘅人,尤其中式嘅汤饺,就连早个月前去南九州旅行,行程最尾一晚都揾咗间卖中国菜嘅「红虎饺子房」食饺子。最近,先知太子有家特色饺子店「饺掂手工饺子云吞专门店」,有多款特色饺子,有汤饺,有煎饺,专登过嚟会一会佢,老婆钟意食嘅嘢,小弟一向从善如流。门面上面有个电子屏幕,打住「天下第一饺」,喺咪咁坚先?走入店内,以饺子店而言,佢哋装修都算喺几摩登精致,一室以黑色为主调,墙上不时见到唔少有开松茸嘅介绍,以及一啲处世之道或趣味格言。满以为要等位,原来厨房旁嘅走廊,可以入到铺后嘅另一个用餐区。里面都唔细,摆到三数张枱,坐到十松啲人。途经走廊时,睇到半开放式厨房内,几位店员以熟练嘅手势不停咁包饺子,另一边厢就不停煮饺子。 一坐低,枱上最吸,晴就喺𠮶大大罂嘅酸泡菜,主要喺白萝卜,少少红椒及青椒,但腌得好食,啲萝卜入口爽脆,酸香得嚟一啲都无呛喉,越食越开胃,仲喺免费任食。食住泡菜嘅同时,睇睇有啲咩好食。至尊松茸饺子讲到全球首创,亦喺吸引我哋嚟嘅原来之一,仲要中英日韩文嚟介绍,真巴闭。餐牌内,故然饺子嘅选择喺最多,饺子以外,仲有面食、凉菜、汤品及饮品,图文并茂,印刷精美。野味酸辣云耳 $1
先嚟两碟凉菜,因为见定价抵食,老婆又钟意云耳依类养生食材。虽然只卖$16,但份量交足货,啲云耳好爽口,酸酸辣辣,清爽开胃。
青瓜切得比较大条,但又确喺有拍过,故啲蒜味几入味及平均,口感爽脆就唔使多讲。
份量分中碗(8只)及大碗(12只),而灼同煎亦唔同价钱,每份松茸饺都跟状元九鼎汤。因为打算试埋香煎软心芝士饺,所以松茸饺就要灼嘅。每只饺子都包到胀卜卜,无乜太多虚位,皮薄透馅,可见用料十足无欺场。饺皮除咗薄之外,亦颇滑溜,内里嘅猪肉饀刴得幼细,而且,唔觉有太多肥猪肉,不过,好老实,啲饺子唔喺好食到啲松茸味,但附有一碟松茸酱,一边微辣,一边唔辣,沾咗之后真喺添份幽香,味道层次大升级,不愧为镇店之作。
份量跟松茸饺有中碗(7只)及大碗(10只),比起松茸饺,小弟就更加钟意依款芝士饺,一来煎得金黄,食落甘香脆口,二来里面坚塞满好多芝士,软绵绵嘅芝士混埋粟米同猪肉,极之好食。
香煎软心芝士饺
$48
35 浏览
0 赞好
0 留言
咪以为净食饺子会唔够饱肚,其实啲饺子包得好足料,几够饱,但点客四川凉面就纯粹过吓口瘾。凉面淋咗少少麻辣汁(可以少辣)及洒上少少花生碎,自行再加啲芝麻酱及青瓜酱,味道纷陈,不过,面条有点腍就美中不足。
张贴