越棧越式湯粉專門店 (荷里活廣場) (已結業)

星期日喺荷里活广场，周围都好多人，见呢一间唔算多人即刻有位，就入去食下午茶。原本觉得佢个价钱都OK抵食$46 份，但系一嚟到真系有惊吓到，牛腩饭得四粒牛腩，系四粒。饭就好多，一大碗。以为朋友食生牛肉河粉会好啲，点知都系得两片牛肉，系两片，一样河粉系有一碗的。如果佢觉得啲肉贵，起码俾多少少配菜，俾人送饭，佢系连配菜都冇唛㗎。职员态度就正正常常，啲枱枱凳凳都干净。如果要调味料就要自己行去拎，职员唔会招呼你。如果真系周围冇位想入嚟呢度食，唔知会唔会叫猪扒会好啲，估计猪扒应该有一块…..啩！唔肯定。