湯煲私房火鍋

营业中

休息中

汤煲私房火锅系一间主打高质食材嘅中高档私房火锅，店面唔算大，只坐倒几枱人，店内亦冇乜装修，价钱大部份反映喺食材上。酱料费$30/人，虽然酱料选择看似唔多，不过最特别系下面中间嘅虾蟹酱，系店家自家制，比一般XO酱味道更浓更惹味。沙嗲煲($128) - 沙嗲汤底好道香浓，即使中间加过汤味道都仲系咁浓郁，但食完又唔会觉得口渴㖞。顶级本地手切牛(例牌)($398) -  黎哩度打边炉最主要系为左佢地个手切牛，因为佢地嘅手切牛都系用由山东牛同和牛混种嘅骟牯牛，每日全香港都系得十几廿只，非常罕有。手切牛颜色鲜牛，脂肪纹比 一般火锅店嘅手切牛平均。渌几秘渌到七成熟就食得，食落带啲弹口牛味亦浓，果然贵得有道理！川色麻辣牛肉饺($88) - 牛肉饺饺皮唔会太厚，中间牛肉馅都几多，食倒少少麻辣味，惹味之余又唔会太辣，就算唔食辣嘅朋友仔都食倒。出前一丁($28) - 沙嗲汤最啱配返个出前一丁，好味又饱肚。总结，汤煲店面虽然比较简单，但食材新鲜，仲有出面少有嘅骟牯手切牛，牛魔王一定要试下。