Milk Top (已搬遷) 新店位置

见到咁多好评慕名而来，雪糕店以Milk命名，初到贵境一于试下牛奶味，但为左另一只味犹豫左好耐，见到口味不多，想食既生姜同榴梿都欠奉，石榴味下午已经售罄，最后拣左牛奶味、芝士味、士多啤梨味同芒果味。　　　　　　　　牛奶味+芝士味双球雪糕筒　$28双球+$1甜筒=$29牛奶味未如理想中香浓，好清淡，食多几啖麻木左都已经食唔出奶味，要食返啖另一只味先再食得出牛奶味。芝士味几特别，但都系略嫌淡左D。雪糕溶得好快，一拎上手就开始溶，商场行左阵已经变奶昔。两款口味都少甜，心理上好过点。　　　　　　士多啤梨味+芒果味双球雪糕筒　$28双球+$1甜筒=$29而另外两款生果味雪糕比较甜。士多啤梨味雪糕有几点细细粒疑似果肉，味道有D假，纯粹甜味，欠缺水果既清新自然。芒果系相对黎讲最好味，软滑清甜，散发淡淡芒果清香。　雪糕筒无任何香味，得个脆字，令人失望。　总括而言，价钱偏贵，份量一般，质量平平，有选择都唔会再帮趁。　两位阿姐可能忙到踢哂脚，服务好到呢，叫佢几次先听到，柜枱又俾好多强国人围住哂，俾钱都要排除万难。