一遊

营业中

休息中

之前一直都系去尖沙咀分店，今日刚好在湾仔收工，就想起呢到都有一间分店，所以就即刻拉埋朋友来。呢间分店地方好方便，就系合和中心三楼，呢到地方都几大，而且装修都好有日式居酒屋feel，店员都好有礼貌，整体感觉我觉得好正。食物当然都系高质架啦！首先第一样叫咗嘅就系神龙纯米大吟酿，呢只我之前都饮过，好清纯，好易入口，加上有少少甜味，真系好好饮。嘢食方面觉得好出色嘅就系个海胆，入面有埋芝士，口感超级creamy，外面好似天妇罗咁样好酥脆，一啖食落去个口感好特别，好有层次感。另外当然唔少得叫寿司同鱼生啦，呢度啲赤虾又大又鲜甜，带子亦都好出色，又大又爽口。另外串烧方面我就觉得个烧鸡翼好正，帮你拆晒做单边骨，烧得外脆，入面保持到Juicy，正。后来朋友话试吓个炸豆腐，其实都几好味，炸咗嘅豆腐沟埋豉油同葱，我觉得如果改用醋嘅酱汁我应该会更加钟意，不过整体嚟讲都几出色。至于淀粉质就拣咗要一个泡菜牛肉石锅饭，捞埋一齐食热辣辣好鬼正，仲要整到可以有啲饭焦添！最后都叫咗一碗蓝莓茶暖吓胃先走，见到佢唔系用茶包，真系用蓝莓干，一路饮一路倾偈，正！