碗碗香 (已結業)

上次食完Burger讲起唔知加路连山道而家转左有咩铺头，今日老公系铜锣湾做野佢同事就推介话加老连山道有间食贵州粉既好正~老公同我讲完我就睇下食评，望下都好似唔错于是放工就过左去揾佢一齐食啦!呢间店叫碗碗香，果然一踏入铺头就闻到好香!入面装修都好中式，睇紧menu果阵听到店员同个客倾计，原来全间店都系贵州人，心谂佢地整既贵州粉应该好正宗!因为真系未食过研究紧menu既时候店员走过黎问我地食唔食辣，老公食得辣但我就只可以小辣既。店员就推介我地可以试一个唔辣既清汤牛肉粉，一个辣既全蛋素拌面，话呢两款都好多人点，望下d相都好似几好味于是就叫呢两样啦!野饮就叫左苗乡苦丁茶，店员话我地识拣丫!呢杯野解辣一流，仲对皮肤好好有助抗氧化!清汤牛肉粉好快清汤牛肉粉上台，份量都几好大，一黎到就闻到好香既牛肉味!落单既时候店员话可拣米粉或鸡蛋面，我就拣左米粉，原来呢度既米粉系比米线再粗d既样子，好似乌冬咁~质感都系滑溜溜一啜就可以sir哂入口果款~牛肉系牛展黎切成两款形状，一款系薄薄既牛展，另一款系一粒粒既牛展粒。店员教我地食法系首先要饮一啖汤先，然后再食粉同牛肉~平时我食面都唔敢饮汤，惊饮左有味精好口渴，但