Cafe Whale

营业中

休息中

一个迟来的圣诞大餐(12月27号先食)梗系要丰富D啦，虽然得两个人不过都试咗好多样野。先来个小食，佢有好多款薯条，我地结果就要咗蕃薯条，因为平时少D机会食得到，蕃薯味甜甜地，即叫即炸嘅，新鲜自然好食。第二个小食我地叫咗炸鱼仲，一碟有6件鱼仲(即系炸鱼柳)，呢个好食，用新鲜鱼做，一啖咬落去就知系龙系虫，肉质都有好大分别，真系好味好多，不过硬系觉得攞新鲜鱼去炸有D浪费。主菜来了，先来的是季节限定枝竹羊肉Burger……上面薄片就系炸枝竹，枝竹同枝竹之间夹住墨鱼滑，墨鱼滑变成好似胶水咁样，入面食到有腐乳味，真系有羊腩煲嘅感觉。另一个包就叫咗软壳蟹Burger，成只软壳蟹夹喺包入面感觉真系好劲，入面D沙律菜新鲜好食，仲有佢入面个酱汁食到一粒粒蟹籽，卜卜脆几过瘾。佢个餐跟埋汽水，我地其中一杯加钱Upgrade做云尼拿奶昔，都几好味，印象之中坊间比较少地方饮到自家制奶昔。叫咗咁多样野都只系$354，真系几抵食。