玉桃軒酒家 (鱷魚恤中心)

营业中

休息中

到观塘吃晚饭，想找间坐得舒服既中菜酒家，选了玉桃轩，入到门面已觉得好适合摆酒，里面大堂布置华丽。前菜系醒胃酸醋黑木耳，爽脆。先点了个开胃首选柚子炒明虾球, 柚子味浓，见到柚子酱汁沾满每一只虾，好均匀，虾球大只，鲜甜, 有成8，9只虾，大份，只只虾都好爽脆，仲用左三色彩椒炒，好色彩缤纷的开胃菜色。之后叫了呢度驰名既，北京片皮鸭～一推车出黎已引来艳羡目光，肥美涨卜卜既鸭，色泽好靓，仲有两笼薄饼皮跟上。店只细心为我们片薄片，鸭皮烤得香脆，鸭肉多汁，皮脆肉嫩、攞起热㷫㷫既薄饼、包起青瓜、葱蒜、海鲜酱，绝配，而且份量好大，4个人都食唔晒。鸭肉都唔放过，叫了二食系凉瓜炒鸭肉, 凉瓜爽脆，甘香。仲有重头戏系芝士焗波士顿龙虾$286，芝士味够浓，伊面加多$48，因一只唔算好大只，所以龙虾肉唔够喉。再叫了兰度炒牛肉粒, 介兰清甜，牛肉粒够鲜甜。餐牌还有好多野食，下次要再同屋企人黎先得。