Running 燒 (已結業)

等咗三个月终于开返夜市啦，晚上六点后可以约下三五知己谈下心。最近将军澳海旁开咗好多食肆，喺海边逛逛再坐低饮吓嘢，一乐也。晚饭想食韩国烧烤，嚟到Popcorn商场有间Running烧，大约七点座无虚席。反之附近嘅餐厅都冇坐满人。舖头入面卡位有好多，有buffet table包括蔬菜类任攞，茄子，翠玉瓜，青椒，菇类。食多肉嘅时候配上蔬菜比较冇咁肥腻。熟食最喜欢系柚子炸鸡，皮脆肉嫩，柚子汁少少甜味。烧嘅肉类质素都几好，腌料唔太咸，猪颈肉嘅肥瘦好均匀。个网烧内左会变黑，可以免费换新网，之前试过有啲餐厅换网要额外收费。甜品仲有雪糕柜内嘅dreyers yogurt低卡路里雪条，士多啤梨同青提味可供选择。食到捧住个肚离开。