影片
更多
2014-08-31
2423 浏览
周不时都听到国内领导对政治、民生都喊出好多口号：「对腐败零容忍」、「对违规违纪行为零容忍」、「对安全生产隐患零容忍」……等等，做得几多要待时间、历史嚟证明。但柠檬融入印度菜嘅「柠融印」，今晚就可以验证，多谢老友吹鸡相约叹番餐印度菜聚，地点就晌离公司不远嘅Jashan Indian Cuisine，非常就脚。因为经常都会经过依头，所以，餐厅位置非常清楚，就晌中区警署对面。虽属楼上铺，但正正晌Paisano’s Pizzeria上面，好易揾。餐厅占二楼全层，一出䢂门，花款百出嘅小方格地板砖特别抢眼，而一室以泥红色为主调，以柔和具情调（接迎昏暗）嘅灯光衬托，加上别致独特富印度色彩嘅吊灯，都带嚟唔少印度色彩 。梳化放置唔少咕𠱸，比一般椅子好坐好挨，是晚，客人都非常多，所以，非常热闹。 餐前小食喺晚市免费送，一人一份，仲要晚晚不同，我哋得到嘅配搭喺蕃茄汤衬薯蓉烤饼，前者微暖，蕃茄酸香中带有微辣，几令人开胃；后者一小件烤饼，加上薯蓉、蔬菜碎及酱汁，一口一件，轻易干掉， 但味道唔会有太大惊喜。点解特别点题「柠檬融入印度菜」，因为朋友近日从食友网志发现Jashan新推出专为依个夏日而设，特别加入以
因为经常都会经过依头，所以，餐厅位置非常清楚，就晌中区警署对面。虽属楼上铺，但正正晌Paisano’s Pizzeria上面，好易揾。餐厅占二楼全层，一出䢂门，花款百出嘅小方格地板砖特别抢眼，而一室以泥红色为主调，以柔和具情调（接迎昏暗）嘅灯光衬托，加上别致独特富印度色彩嘅吊灯，都带嚟唔少印度色彩 。梳化放置唔少咕𠱸，比一般椅子好坐好挨，是晚，客人都非常多，所以，非常热闹。
餐前小食喺晚市免费送，一人一份，仲要晚晚不同，我哋得到嘅配搭喺蕃茄汤衬薯蓉烤饼，前者微暖，蕃茄酸香中带有微辣，几令人开胃；后者一小件烤饼，加上薯蓉、蔬菜碎及酱汁，一口一件，轻易干掉， 但味道唔会有太大惊喜。
点解特别点题「柠檬融入印度菜」，因为朋友近日从食友网志发现Jashan新推出专为依个夏日而设，特别加入以柠檬为主题嘅新菜式，趁限期前一试柠檬 x 香料嘅印度味力 。「柠檬」菜牌甚照顾周到，由素食前菜、非素食前菜、主菜、米饭、特饮都一应俱全，单点依个餐牌菜式都足够凑成一份整全嘅晚餐 。事后听印藉经理讲，话依个夏日菜式都几受欢迎，餐厅决定延长，不过，就未知何时完结。
Lime and Coconut Chicken Kebab青柠椰子烤鸡 $128 「柠檬」菜式有两道菜以鸡肉入馔，两款都做得好食，先介绍依道烤鸡，睇菜名就知鸡件以青柠及椰子做腌料，所以烤鸡嘅味道点酸香及椰香，不过，又唔会太浓，大抵厨师想保持个清新感；而烤鸡技巧做得真有一手，外职烧得金黄焦香，而肉质保持到滑溜，富肉汁而唔会「干争争」。就算唔蘸点附上嘅薄荷酱，都同样好食！
Butter Smoked Chicken 牛油咖喱烤鸡 $128 第二道鸡肉菜式喺牛油咖喱烤鸡，抱歉只影咗菜式卖相而忘记影番啲鸡件，跟上述一道菜一样，鸡肉真喺煮得软滑，而整道个灵魂小弟就觉得喺个酱汁，橙红色嘅牛油咖喱酱，香得嚟酸酸辣辣，温和得平易近人，但又不失印度咖喱集多种香料嘅多元性 ，所以，之前蘸印度烤饼，抑或捞印度饭都咁好味。
Pickle Machhli 香柠泡菜烧鲭鱼 $138泡菜？依道烧鲭鱼感觉上都几破格，但试过之后相信喺一个美丽嘅误会，大抵我哋受韩风影响厉害，一见「泡菜」就自我设定为韩国泡菜（Kimchi），之后再细心睇番个菜牌，喺Pickle嚟，即喺一啲腌菜，有点恍然大悟 。鲭鱼似乎喺似炸多过烧，故此，有啲似炸鱼块嘅样子，首先，啲鱼块入口确喺滑身，外层嘅脆浆又几香脆，又唔油腻，不过，相信以腌菜腌鱼嘅份量稍多或时间过长，有过咸嘅情况 ，柠檬香味又未见突出，要唧啲柠汁，沾一点薄荷酱平衡吓，建议店方将中文译名改为「香柠腌菜炸鲭鱼柳」可能切合少少。
Jashana Dal 香柠烩黑扁豆 $85黑扁豆经长时间烩煮成半豆蓉，口感绵绵粉粉，所以，难以见到有完整嘅粒粒黑扁豆。因为加入唔少香料去煮，故此味道几有层次，惹味香浓，好似上面个牛油咖喱酱咁，非常适合以印度烤饼或印度饭嚟一齐食。
Lemon Rice 印式柠檬炒饭 $118 以幼身、修长见称嘅印度米，拌入柠檬汁、咖喱叶去炒嘅味道会喺点呢？饭粒炒得干身唔油，质感软绵，唔似丝苗米咁黏，又微微柠檬幽香。虽然有话拌咖喱汁或稍后会分享嘅菠菜蓉好好食，但一客约3-4碗饭嘅份量左右，定价其实有点偏贵 。
此外，我哋够齐脚，所以，亦有从主餐牌多点几款菜式，可以比较一下店家传统印菜嘅手势如何？虽然主餐牌已分好前菜、沙律、烧烤、鸡类、羊类、海鲜、蔬菜、面包（印度薄饼）、米饭、甜品……等类别，但内里所有菜式都喺印度名字嘅菜名，辅以英文描述，故此都要费一费思量睇睇菜式喺啲乜。
Aloo Tikki Chana Chaat $58以为喺煎薯仔或薯角之类，其实喺印式薯饼，话喺薯饼，口感有啲似糕嘅质地，入口有种韧劲；而鸡心豆作为伴菜放晌碟嘅一旁，粉腍嘅鸡心豆都几好食吖，整体而言喺一道好平实嘅印度小食。
Balchao $158单睇菜式真喺无可能知佢喺乜，不过，一睇英文翻译（Prawn with Cinnamon and Garlic）就知喺心水菜式。类似中式嘅炒虾球，好就好在拆晒壳方便食，但小弟就觉得以原只鲜虾呈现应该会更有睇头。虾球嘅味道几复杂，有点肉桂、蒜蓉香，又有阵蕃茄味，少少辣，几惹味，但喺咸咗啲，虾肉未够爽，喺两个失分位。
Lahsooni Palak Paneer $88 唔使讲，大家都唔明喺咩嚟，即喺菠菜烩茅屋芝士（Spinach with Cottage Cheese），虽然个卖相有啲样衰，但确实又几好食。菠菜煮成蓉，入口软软绵绵，菠菜好嫩滑，加上茅屋芝士，味道唔寡，放晌印度烤饼一齐食喺个人心水食法。
Bhindi Do Pyaza $88 喺一款北印度嘅夏日特色菜「炒秋葵」（Fried Okra with Onions），秋葵切粒跟蕃、茄洋蒽同炒，加入一啲香料，味道清新，秋葵黏滑爽脆，况且，秋葵有益健康，有助降胆固醇，多别无妨。
Bread Basket $88 食印度菜都几难唔提印度烤饼，店方除有分面粉做嘅Naan及全麦粉做嘅Roti之外，仲推出唔少味道，如蒜香、牛油、芝士、洋葱……等等 ，心多嘅就不如叫个杂锦烤饼篮，内有4款指定味道，比散叫平少少。上述都提及过好多款菜式都好合适以烤饼伴食，所以，烟韧酥香嘅烤饼都唔使再多介绍。
因为印度食物大多都喺味道香浓，所以，揾啲清爽嘅饮品就最好不过，此外，都顺道介绍晌印度餐厅一定见到嘅招牌饮品「芒果乳酪」（Mango Lassi）。
Virgin Mojito $78 上文都讲过个「柠檬」菜牌连饮品都照顾到，一共有3款特饮，Virgin Mojito喺其中之一，杯中飘浮好多荷薄叶，睇见都有种透心凉嘅感觉。朋友话每啖都充满荷薄飘香，配以青柠嘅香涩，可以继续同阳光玩游戏。
Ginger Lemon Cooler $78金黄透明嘅「Cooler」，够冰冻就自然令人凉透心，以姜汁糖浆、青柠汁及梳打所做，朋友形容个味道喺酸活带微辣，清新怡人。
Sunday Morning $52餐厅原有嘅饮品都有好多选择，红白餐酒、香槟、啤酒、烈酒、鸡尾酒样样都有，不过依杯「星期日早晨」喺杯非酒精调酒，以橙汁、菠萝汁、青柠及石榴糖浆所调制，味道不俗，喺糖浆稍多，有啲过甜。
Mango Lassi $35 芒果乳酪味道酸酸甜甜，最宜解辣，难怪间间印度餐厅都有。芒果汁跟原味乳酪混和，绵密浓稠，阵阵芒果清甜，幽幽乳酪酸爽，的确喺对好配搭，只卖$35实属抵饮，若然芒果汁嘅比例再高啲，相信更好饮 。
临走晌等䢂期间，不妨食粒薄荷糖清清口腔中嘅香料味！晌边度拎？就晌䢂旁柜枱。
小弟天生都应该属于「为食」，对于眼前美食真喺「零容忍」 ，今晚，跟朋友一起，又喺食得尽兴嘅一晚。对于个「柠檬」菜牌，仲喺觉得柠檬成份可以加重啲，先更能突出「柠檬」依个主题！
张贴
